حكومه‌تا ئیراقێ هاریكارا هونه‌رمه‌ندان ناكه‌ت
هه‌له‌بچه، عه‌زیز هه‌ورامی:
خانما شێوه‌كار (جوان نه‌عیمی) كو نوكه ماموستایه ل كولیژا هونه‌رێن جوان ل باژێرێ مووسل، د دیداره‌كێ دا بۆ رۆژناما ئه‌ڤرۆ گۆت: مه ل عیراقێ و هه‌رێما كوردستانێ گه‌له‌ك شێوه‌كارێن باش هه‌نه و كه‌ڤالێن وان ل پێشانگه‌هێن نێڤده‌وله‌تی یێن عه‌ره‌بی و جیهانی دهێنه نیشادان، لێ مخابن وه‌زاره‌تا ره‌وشه‌نبیری ل حكومه‌تا عیراقا فیدرال وه‌ك پێدڤی هاریكاریا هونه‌رمه‌ندان ناكه‌ت و پێدڤی بوو پتر پشته‌ڤانی ل كار و به‌رهه‌مێن هونه‌ری هاتبا كرن.
ناڤهاتیێ گۆت: من گه‌له‌ك پێشانگه‌ه ڤه‌كرینه و پشكداری د چه‌ندین پێشانگه‌هێن هه‌ڤپشك ژی دا كریه ل باژێرێن به‌غدا و مووسل و هه‌له‌بچه، هه‌روه‌سا ل وه‌لاتێ مسرێ ژی و نوكه من (95) كه‌ڤال هه‌نه، هه‌موو ژی ل ده‌ف من دباشن و ل ده‌مێ بۆری من چه‌ند كه‌ڤال فرۆتینه.
