رۆسیا دێ چه‌كێن پێشكه‌فتی ده‌ته هه‌ڤپه‌یمانێن خوه
ئه‌ڤرۆ:
سیرگیێ شۆیگۆ وه‌زیرێ به‌رگیریێ یێ رۆسیا راگه‌هاند كو روودانێن ل ئه‌فغانستانێ دێ مه‌ترسیا خوه بۆ رۆسیا و هه‌ڤپه‌یمانێن وێ ل ئاسا ناڤین هه‌بن، ژ به‌ر هندێ ژی رۆسیا بریار دایه كو ل هه‌مبه‌ر هه‌ر مه‌ترسیه‌كێ جاره‌كا دی چه‌كێن پێشكه‌فتی بده‌ته هه‌ڤپه‌یمانێن خوه ل ئاسیا ناڤین.
وه‌زیرێ به‌رگیریێ یێ رۆسیا ئه‌و یه‌ك ژی دیار كر كو ئه‌و ژ هندێ دترسن ئه‌فغانستان جاره‌كا دی ببیته ناڤه‌ندا رێكخراوێن تیرۆرستی و ژ به‌ر هندێ ژی ل دژی هه‌ر بزاڤه‌كێ دێ رۆسیا خوه و هه‌ڤپه‌یمانێن خوه پارێزیت.
