هالاند ناكۆكیێ د ناڤبه‌را ریالێ و سانجێرمانێ په‌یداكر
ئه‌ڤرۆ،
ستێرا ته‌پا پێی یێ نه‌رویجی و یانا برۆسیا دورتمۆند یا ئه‌لمانی ئیرلینگ هالاند بوویه ئه‌گه‌رێ ناكوكیێ و ئاریشێ د ناڤبه‌را هه‌ردو یانێن مه‌زنه ئورۆپا ریال مه‌درید یا ئسپانی و پاریس سانجێرمان یا فره‌نسی.
لدویڤ راپۆرتا رۆژناما لیكیب یا فره‌نسی كو ئێك ژ ئه‌گه‌رێن نه رازیبوونا یانا پاریسێ لسه‌ر گرێبه‌ستا ریال مه‌درید بۆ ستێرا وێ كیلیان مباپی ڤه دگه‌ڕیێته بابه‌تێ یاریزانێ نه‌رویجی هالاندی ئه‌وێ به‌رهه‌ڤیا خوه دیاركری یاریی بۆ یانا فره‌نسی بكه‌ت، سه‌رباری یانا ئسپانی سێ جاران گرێبه‌ست پێشكێشی مباپی كربوو و یا دووماهیێ گه‌هشتبوو 200 ملیۆن یورویان لێ یانا پاریسێ ڕه‌دكر و ئه‌گه‌رێ سه‌ره‌كی ژی بۆ هه‌بوونا بزاڤێن ڤێ یانێ هالاندی ل سه‌ر تیما خوه زێده‌كه‌ت پشتی ئینانا لونێل مێسی لێ یانا ریالێ ژلایێ خوه‌ڤه یا رێگربوویه و دێ زێده‌تر گرێبه‌ستی بۆ هالاندی به‌رهه‌ڤكه‌ت ئه‌ڤچه‌نده به‌رپرسێن سانجێرمانێ تۆره‌كرن و نه‌هێلا بابه‌تێ مباپی ب دووماهی بهێت.
ژلایه‌كێ دیڤه رۆژناما سه‌ن یا بریتانی دیاركر كو بایرن میونخ یا ئه‌لمانی و مان ستی یا ئنگلێزی ژی بزاڤێن مه‌زن دكه‌ن بۆ رازیكرنا هالاندی، لێ شه‌ڕێ مه‌زن دێ دناڤبه‌را پاریس و ریالێ دا بیت و دوور نینه گرێبه‌ستا هالاندی ژ 150 ملیۆن یورویا زێده‌تر بیت.
