پێنگاڤ و شیره‌تێن گرنگ ل دۆر پاراستنا زارۆیان ژ كۆرۆنایێ ل ده‌مێ دچنه قوتابخانێ
ئه‌ڤرۆ، به‌رپه‌رێ ساخله‌میێ:
دگه‌ل ڤه‌بوونا ده‌رگه‌هێن قوتابخانه‌یان، هێشتا كۆرۆنا جهێ ترسێ یه، گه‌له‌ك ژ دایكان تووشی ئالوزی و دودلیێ بووینه ب تایبه‌ت ژی پشتی خوه‌گوهۆرێ ده‌لتا په‌له‌س به‌لاڤبووی، د ترسن زارۆیێن وان تووش ببن، ل ده‌مێ دچنه قوتابخانێ.
كۆمه‌كا شیره‌تێن ساخله‌میێ هه‌نه، پێدڤیه دایك بجهبینن داكو مه‌ترسیا تووشبوونێ ل سه‌ر زارۆیێن وان كێم ببیت.
(ساره برویر) شاره‌زایا خوراكیێ یا بریتانی، بو رۆژناما (زی سه‌ن) یا بریتانی دیاركرینه:
ئێك: رۆتینێ پاقژیێ ب پارێزه:
دبیت زارۆیێ ته فێر ببیت روژانه ده‌ستێن خوه بشووت، یا باشتره یێ به‌رده‌وام بیت ل سه‌ر ڤێ چه‌ندێ و هاریكاریا وی بكه‌ی ژێ دوور نه‌كه‌ڤیت، ژبه‌ركو شووشتنا ده‌ستان هاریكاره بو كێمكرنا ڤه‌گوهاستنا ڤایروسێ كۆرۆنایێ.
دو: ئه‌نجامدانا راهێنانێن وه‌رزشی:
راهێنانێن وه‌رزشی رۆژانه ده‌مژمێره‌كێ هاریكارن بو بهێزكرنا به‌رگریا زارۆكێ ته، ژوان راهێنان ژی ( رێڤه‌چوون، سواربوونا پایسكلان، یان چوونا هولا و غادانێن سڤك، داكو ته‌پكێن سۆرێن خوینێ چالاك ببن و به‌كتریا ژ هه‌ناسێ بهێنه ده‌ركرن.
سێ: پێگیری ب ده‌مێ نڤستنێ:
پێگیری ب ده‌مێن نڤستنێ، هاریكاره بو بهێزكرنا به‌رگریا له‌شی، له‌ورا پێدڤیه ژوورا نڤستنا وی ئاماده‌بكه‌ی و یا تاری بیت و سه‌قایێ دروست بیت، داكو تێر بنڤیت.
چار: چوون بو قوتابخانێ:
هه‌كه قوتابخانه یا نێزیك بیت و دشیان دابیت، باشتره زارۆ ب پێیا بچیته قوتابخانێ، داكو هه‌وایێ پاقژ وه‌ربگریت.
پێنج: خوارنا فێقی و زه‌رزه‌واتی:
گه‌له‌ك ڤیتامین و ژێده‌رێن گرنگێن خوارنێ دناف فێقی و زه‌رزه‌واتی دا هه‌نه، دێ مفای ل بهێزكرنا به‌رگریا وی كه‌ن، هه‌روه‌سا هاریكارن بو بهێزكرنا هه‌ستیان، دووركرنا وی ژ تووشبوونێ ب ڤایرۆسی و بو ساخله‌میا پرچێ ژی دباشن.
