ئه‌ڤرۆ به‌رشه‌لۆنا و بایرن د كۆپیتكا یاریێن چامپیۆنز دا هێته كرن
ئه‌ڤرۆ،
دهێته چاڤه‌ڕێكرن ئه‌ڤ شه‌ڤه وه‌رزێ نوو یێ قاره‌مانیا یانێن ئورۆپا قاره‌مانێن خولا چامپۆنز لیگ ب ئه‌نجامدانا هه‌شت یاریا هێته كرن كو پشتی بورینا دو سالان ژ دووركه‌ڤتنا جه‌ماوه‌ری وه‌رزشی ژبه‌ر ڤایروسێ كورونایێ دوباره دێ ڤه‌گه‌ڕێنه دناڤ یاریگه‌هان دا و بڤی ره‌نگی.
*كۆما شه‌شێ.
ب پشكداریا ستێرا خوه یێ پۆرتۆگالی كریستیانۆ رۆنالدۆ یانا مانچسته‌ر یۆناتید گه‌شبینه سه‌ركه‌فتنا ئێكێ تۆماربكه‌ت ده‌مێ ل یاریگه‌ها وانكدۆرڤ ببیته مێڤانا یانا یۆنگ بۆیز یا سویسری ئێك ژ یانێن نوو سه‌ركه‌فتینه چامپێونزێ ئه‌وا دێ یاریا وان ده‌مژمێر حه‌فت و45 خوله‌كی شه‌ڤ هێته كرن، ژلایێ خوه‌ڤه ڤیاریال یا ئسپانی دێ مێڤانداریا ئه‌تلانتا یا ئیتالی ل ده‌مژمێر ده‌هی شه‌ڤێ كه‌ت.
*كۆما پێنجێ.
ژ گرنترین و بهێزترین یاریێن ئه‌ڤ شه‌ڤه دێ ل ده‌مژمێر 10 بیت ده‌مێ یانا به‌رشه‌لۆنا مێڤانداریا بایرن میونخ یا ئه‌لمانی ل یاریگه‌ها كامب نو دكه‌ت كو دبیته یاریا 12ێ دناڤبه‌را دو زلهێزێن ئورۆپا دا پشتی دووماهی یاریا دناڤبه‌را وان ل وه‌رزێ 2019/2020 یانا باڤاری شیایی ب هه‌شت گۆلان به‌رامبه‌ر دو گۆلان مه‌زنترین سه‌ركه‌فتنێ تۆماربكه‌ن كو دبیته جارا حه‌فتێ سه‌ركه‌ڤیت هه‌مبه‌ری دو خوساره‌تیا و دو وه‌كهه‌ڤیان، دڤێ یاریێ دا یاریزانێن به‌رشه‌لۆنا دێ بۆ تۆلڤه‌كرنێ هێنه دناڤ یاریگه‌ها خوه دا، هه‌رچه‌نده بایرن دێ یا بێی به‌هربیت ژ ستێرێن خوه رۆبێرت لڤاندوفێسكی، سێرجیۆ جنابری ومارسێل سابیتێزر ژبه‌ر هنگاڤتنان لێ هه‌مبه‌ری وێ چوونا مێسی ژ به‌رشه‌لۆنا دێ گڤاشتنێ لسه‌ر مێڤانان سڤك كه‌ت، راهێنه‌رێ یانا كاتالۆنی گه‌شبینه ده‌ستپێكه‌كا باش دناڤ یاریگه‌ها خوه دا تۆماربكه‌ن و تۆلێن خوه ژ مێڤانا خوه بكه‌ت، ژلایه‌كێ دووڤه و دهه‌مان كۆم دا دینامۆكێڤ یا ئۆكرانی دێ مێڤانداریا به‌نفیكا یا پۆرتۆگالی كه‌ت.
*كۆما حه‌فتێ.
یانا سیڤییا یا ئسپانی ب ژڤانه ئێكه‌م سێ خالێن یاریێ ب ده‌ستڤه بینت ده‌مێ ل یاریگه‌ها خوه مێڤانداریا رێد بۆل سالزبۆرگ یا نه‌مسایی بكه‌ت ئه‌وا دێ ل ده‌مژمێر حه‌فت و 45 خوله‌كێن شه‌ڤێ یاریا وان هێته كرن، یاریا دویێ یا ڤێ كۆمێ فۆلفسبۆرگ یا ئه‌لمانی بیته مێڤانا لیل یا فره‌نسی ده‌مژمێر ده‌هێ شه‌ڤ.
*كۆما هه‌شتێ.
ئێك ژ كۆمێن دی یێن هێزا وێ كێمتر نابیت ژ كۆمێن پشكدار د چامپیۆنزێ دا، قاره‌مانا وه‌رزێ بوری یا ئورۆپا چێلسی یا ئنگلێزی دێ مێڤانداریا زێنت پترسپۆرگ یا روسیا كه‌ت، تۆماس تۆخێل راهێنه‌رێ چێلسی دروشمێ هه‌ڤڕكیێ راكریه كو هه‌ر یاریه‌كا دكه‌ت كو هه‌موو یانه بهێزن هه‌تا بگه‌هیته یاریا دووماهیێ ژبۆ پاراستنا ناسناڤێ خوه ژبه‌ركو دهێته هژمارتن ئێك به‌ربژارێن بهێزن، هه‌مبه‌ری وێ یۆڤانتۆس یا ئیتالی داخوازكریه ده‌ستپێكه‌كا بهێز بهێته دناڤ یاریگه‌هێ دا تایبه‌ت پشتی چوونا كریستیانۆ رۆنالدۆ كو دڤێت ل شوون جهێ وی بگریت و ئاستێ وه‌رزێ بوری یێ لاواز دوباره نه‌بیته ڤه ده‌مێ دبینه مێڤانا یانا مالمۆ یا سویدی ئێك ژ تیمێن خودان هیڤی و ئۆمێد، بۆ زانین هه‌ردو یاری ده‌مژمێر ده‌هی شه‌ڤ هێته كرن.
