ل مال دێ چاوا بوتلێ ئوكسجینی هێته پاراستن؟
ئه‌ڤرۆ، به‌رپه‌رێ ساخله‌میێ:
ژئه‌گه‌رێ نه‌خۆشیا كۆرۆنایێ، گه‌له‌ك ژ خه‌لكی پێدڤی ب كارئینانا ئوكسجینێ دبن بو نه‌خۆشان ل مال، هیڤیه ڤان خالا پێش چاڤ وه‌ربگرن بو پاراستنا ساخله‌میا وه:
ئێك: نابیت بێی شیره‌تێن نۆشداری ئوكسجین بو نه‌خۆشی بهێته‌دان.
دو: نابیت چ جورێن زەیتێ و گازێ نێزیكی ئوكسجینی بن و ده‌ستێن ته د پاقژبن و چ روین و گاز پێڤه‌نه‌بن ده‌مێ تو ئوكسجینی ڤه‌دگوهێزی، یان مونه‌زمێ وی دروست دكه‌ی و هه‌روه‌سا ده‌مێ تو ب ترومبێلێ ڤه‌دگوهێزی، پێدڤیه سندوقا وێ یا ڤالابیت ژ گازێ و غازێ و روینی و چ شوونوارێن وانژی پێڤه نه‌مابن، چونكو ئه‌و كاریگه‌ریێ دگه‌ل ئوكسجینی دكه‌ن و دبنه ئه‌گه‌رێ په‌قینا وان.
سێ: پێدڤیه ئه‌و مونه‌زمێ تو ب كاردئینی یێ تایبه‌ت بیت بو مه‌ره‌مێن نۆشداری و نابیت مونه‌زمێ تایبه‌ت ب كارۆبارێن پێشه‌سازی بهێته ب كارئینان.
چار: پشتراست به كو ئاڤه‌كا دروست و پاقژ د عه‌لبكا مونه‌زمێ ئوكسجینی دا هه‌یه و چه‌ند كێم ببیت ل دووڤ پیڤه‌ران داگره.
پێنج: پێدڤیه بوتلێن ئوكسجینی دووری تیشكا رۆژێ بهێنه دانان و ده‌مێ دهه‌لگری یان ب كاردئینی چ ژێده‌رێن ئاگری ل ۆێرێ نه‌بن.
شه‌ش: پشتراست به كو ئوكسجین ژبه‌ر مونه‌زمێ یان سه‌ركێ بوتلی ناچیت.
