ئه‌لمانیا دێ ب مه‌رج هاریكاریا ئه‌فغانستانێ كه‌ت
ئه‌ڤرۆ:
هایكۆ ماس وه‌زیرێ ده‌رڤه یێ ئه‌لمانیا راگه‌هاند كو ب پشكداریا چل وه‌لاتێن جیهانێ كۆنفرانسه‌ك بۆ هاریكاریا ئه‌فغانستانێ برێڤه چوو كو ئه‌و كۆنفرانس ژ ئالیێ نه‌ته‌وه‌یێن ئێكگرتی ڤه هاته برێڤه‌برن و گۆت: (دیاره بابه‌تێ سه‌ره‌كی یێ كۆنفرانسێ بۆ هندێ بوو دا هاریكاریا ئه‌فغانستانێ بهێته كرن، چونكو نها ره‌وشا ئه‌فغانستانێ گه‌له‌ك خرابه و بێگومان پێدڤیا خه‌لكێ ئه‌فغانستانێ ب هاریكاریێن مرۆڤی هه‌یه).
وه‌زیرێ ده‌رڤه یێ ئه‌لمانیا ئه‌و یه‌ك ژی دیار كر كو وه‌لاتی وی ب چو ره‌نگه‌كێ ل گه‌ل تالیبانێ دانوستاندنان ناكه‌ت، لێ ئه‌لمانیا به‌رهه‌ڤه د چارچۆڤێ هاریكاریێن مرۆڤی هاریكاریا ئه‌فغانستانێ بكه‌ت، چونكو جارێ گه‌له‌ك تشت سه‌باره‌ت ب تالیبانێ هه‌نه كو دڤێت د پاشه‌رۆژێ دا پتر ئاشكرا بن و وی ده‌می ئه‌لمانیا دێ هه‌لوه‌سته‌كێ جودا نیشا دده‌ت.
وه‌زیرێ ده‌رڤه یێ ئه‌لمانیا ئه‌و یه‌ك ژی دیار كر كو دڤێت رێكخستنا تالیبانێ رێزێ ل مافێن مرۆڤی بگریت و زۆرداریێ ل ژنان و خه‌لكێ دی نه‌كه‌ت، چونكو تشتێ نها ل ئه‌فغانستانێ روو دده‌ت جهێ داخێ یه و ژ ئالیێ جڤاكێ نێڤده‌وله‌تی ڤه ناهێته قه‌بوول كرن، ژ به‌ر هندێ ژی هه‌تا تالیبان هنده‌ك گوهۆرینان د هه‌لوه‌ستێ خوه دا نه‌كه‌ت جڤاكێ نێڤده‌وله‌تی ژی دانپێدانێ ب حوكمه‌تا تالیبانێ ناكه‌ت.
