پێنگاڤا ئێكێ یا كوڕێن خابیری ب ده‌ستڤه‌ئینانا سێ خالان ده‌ستپێ كر
ئه‌ڤرۆ،
تیما ته‌پا پێی یا یانا زاخۆ پێنگاڤا ئێكێ ب سێ خالێن گرنگ ده‌ربازكرن پشتی ب سه‌ركه‌فتی ل سه‌ر مێڤانا خوه یانا نه‌وروز ب دو گۆلان به‌رامبه‌ر گۆله‌كێ، دیاریا واندا ئه‌وا دوهی ژ چارچووڤێ گه‌ڕا ئێكێ و ده‌ستپێ كرنا هه‌ڤڕكیێن خولا پلا نایابا ئیراقێ ل یاریگه‌ها زاخۆ یا نێڤده‌وله‌تی هاتیه ئه‌نجامدان.
د ماوێ هه‌ردو نیڤان دا یاریزانێن هه‌ردو تیما یاریه‌كا هه‌ستیار و ب شێوێ ترس دكر تایبه‌ت یێن یانا نه‌وروز ئه‌وێن ب هه‌موو بزاڤان كرن ژبۆ پاراستنا گۆلا خوه و ده‌ستڤه‌ئینانا خاله‌كا گرنگ، هه‌مبه‌ری وێ یاریزانێن زاخۆ د خوله‌كێن جودا دا گڤاشتن ل سه‌ر گۆلا نه‌وروز كرن و شیان دو گۆلان تۆماربكه‌ن.
د خوله‌كا 24ێ دا و ده‌رئه‌نجامێ لێدانا په‌نه‌لتیێ یاریزانێ پیشه‌كار یێ به‌رازیلی و یانا زاخۆ لوكاس سانتۆس گۆلا پێشكه‌فتنێ بۆ تیما خوه تۆماركر، د خوله‌كا 51ێ دا یاریزانێ هێلا به‌ره‌ڤانیێ یێ یانا نه‌وروز دیار یاخی ب كارتا سۆر هاته دوورئێخستن، لیَِ ئه‌ڤچه‌نده نه بوو ئه‌گه‌ر كارتیكرنێ ل سه‌ر ئاستێ وێ بكه‌ت پشتی د خوله‌كا 56ێ دا شیاین گۆلا وه‌كهه‌ڤیێ ژلایێ هێرشبه‌رێ خوه ئاسۆ رۆسته‌می تۆماربكه‌ن، پشتی ڤێ گۆلێ كوڕێن خابیر گڤاشتن ل سه‌ر گۆلا نه‌وروز كرن هه‌تا خوله‌كا 86ێ هێرشبرێ وێ یێ كامیرونی فرانك سَێدرێك شیا گۆلا دویێ و سه‌ركه‌فتنێ بۆ تیما خوه تۆماربكه‌ت و ئێكه‌م سێ خالان بۆ تیما خوه كۆمبكه‌ت د وه‌رزێ نوو یێ خولا پلا نایابا ئیراقێ دا.
