د جاما كوردستانێ دا دهۆك، زاخۆ، سێمێل و ئاكرێ سه‌ركه‌ڤتن
ئه‌ڤرۆ،
ب پشكداریا 41 یانا دوهی قاره‌مانیا جاما كوردستانێ یا ته‌پا پێی ل باژێرێن جودا یێن هه‌رێمی هاتنه كرن، ژ حه‌فت یانێن پارێزگه‌هێ چار یانه شیان ب سه‌ركه‌ڤن و سێ یانه تووشی خوساره‌تیێ بوون و بڤی ره‌نگی.
یانا دهۆك ل باژێرێ سلێمانیێ سه‌ركه‌فت ل سه‌ر یانا خانه‌قین ب سێ گۆلان به‌رامبه‌ر گۆله‌كێ، ژلایێ خوه‌ڤه هه‌ردو یانێن زاخۆ ل گه‌ل ئاشتی و سێمێل ل گه‌ل ئارارات هاتنه هژمارتن سه‌ركه‌فتی ب سێ گۆلان بێی به‌رامبه‌ر ده‌رئه‌نجامێ نه حازربوونا یانێن ئارارات و ئاشتی، هه‌روه‌سان یانا ئاكرێ سه‌ركه‌فت ل سه‌ر پێشمه‌رگا هه‌ولێرێ ب گۆله‌كێ بێی به‌رامبه‌ر.
ژلایێ خوه‌ڤه یانا ته‌ناهی تووشی خوساره‌تیه‌كا گران بوو ل گه‌ل مێڤانا خوه چه‌مچه‌مال ب پێنج گۆلان بێی به‌رامبه‌ر، به‌رده‌ره‌ش ل گه‌ل شه‌قلاوه ب سێ گۆلێن پاقژ تووشی خوساره‌تیێ بوو، ژلایێ خوه‌ڤه یانا گاره ب لێدانێن په‌نه‌لتیێ 4- 2 گۆلان پشتی یاری بێی گۆل ب دووماهی هاتی.