یانا سه‌نحاریب: ده‌ستڤه‌ئینانا رێزا دویێ ل سه‌ر ئاستێ ئیراقێ ده‌ستكه‌فته
ئه‌ڤرۆ،
سه‌رۆكێ یانا سه‌نحاریب یا وه‌رزشی دیاركر كو ب ده‌ستڤه‌ئینانا رێزا دویێ ل سه‌ر ئاستێ ئیراقێ ده‌ستكه‌فته سه‌رباری كاودانێن دارایی یێن نه‌خووش و پشكداریكرنا تیما وان ب یاریزانێن د ژیێن بچووك و شاره‌زا دا به‌لگه‌یه ب ڤه‌گه‌ڕاندنا هێزا پارێزگه‌هێ، پشتی ل ئێكشه‌مبیا بوری د یاریا دووماهیێ دا ل گه‌ل یانا ئه‌كاد خوساره‌ت بوویی ب جووداهیا چار خالان 48 به‌رامبه‌ر 52 خالان ئه‌وا ب پشكداریا هه‌شت یانێن ئیراقێ و هه‌رێمێ ل هه‌ولێرا پایته‌خت هاتیه كرن.
زێده‌تر داود ره‌به‌ن بۆ رۆژناما ئه‌ڤرۆ گوت: یانا سه‌نحاریب وه‌كو نوونه‌را ئێكانه یا پارێزگه‌هێ ل سه‌ر ئاستێ كچان پشكداری قاره‌مانیا ئیراقێ یا باسكت بۆلێ بوو، سه‌رباری كاودانێن نه‌خووش یێن دارایی لێ ئه‌م رژدبووین نه‌بتنێ پشكداربین به‌لكو وه‌كو نوونه‌را پارێزگه‌هێ هه‌ڤڕكیێ ژی بكه‌ین، تیما مه ب پێكهاتیه‌كێ تێكه‌ل بوو ژ یاریزانێن نوو د ژیێن بچوك دا و سێ یاریزانێن شاره‌زا هه‌مبه‌ری وێ پرانیا یانێن دی باشترین شێوه و یاریزانێن شاره‌زا خوه به‌رهه‌ڤكربوون، كچێن سه‌نحاریب شیان ببنه جهێ ده‌ستخووشێ وسه‌رنجراكێشا جه‌ماوه‌ری ژبه‌ركو جوانترین ئاستێ هونه‌ری نیشان دا.
ژلایه‌كێ دووڤه ناڤهاتی گه‌شبینیا خوه دیاركر كو باسكت بۆلا سه‌نحاریب دێ به‌رده‌وام هه‌ڤڕكا ناسناڤی كه‌ت و هه‌كه خه‌له‌تیێن كێم یێن دناڤ یاریگه‌هێ دا نه‌با قاره‌مانی ژ ده‌ست نه‌دا، لێ ده‌ستكه‌فته ب تیمه‌كا نوو رێزا دویێ سه‌ر ئاستێ ئیراقێ بیهت.