مانشینی: خه‌ونا دبینن ئه‌وێن چو هزرا بۆ ئیتالیا نه كه‌ن
ئه‌ڤرۆ،
راهێنه‌رێ هه‌لبژارتیێ ئیتالیا رۆبێرتۆ مانشینی ڕه‌دكر كو ژ ده‌ستدانا ناسناڤێ قاره‌مانیا خولا نه‌ته‌وێن ئۆرۆپا كارتیكرنێ ل تیما وی كه‌ت و هێزا خوه ژ ده‌ست دایه، پشتی ل ئێكشه‌مبیا بوری بۆ دیاركرنا خودانا رێزا سێیێ یا قاره‌مانیێ سه‌ركه‌فتی ل سه‌ر هه‌لبژارتیێ به‌لجیكا ب دو گۆلان به‌رامبه‌ر گۆله‌كێ ئه‌وا هه‌لبژارتیێ فره‌نسا ناسناڤێ قاره‌مانیێ ب ده‌ستڤه ئینایی د یاریا دووماهیێ دا سه‌ر كیستێ هه‌لبژارتیێ ئسپانیا ب دو گۆلان به‌رامبه‌ر گۆله‌كێ.
مانشینی ئه‌وێ بۆ رۆژناما تۆتۆ سپۆرت یا ئیتالی گۆت: هه‌رچه‌نده مه ناسناڤ ژ ده‌ست دا لێ هێشتا قاره‌مانێن ئۆرۆپایێ نه و گه‌شبینم دێ ل مۆندیالا جیهانی 2022ێ ژی دا هێزا مه بینن، پشتی یاریا ل گه‌ل ئسپانیا ئه‌م تووشی خوساره‌تیێ بووین گه‌له‌ك ره‌خنه‌گر دژی مه په‌یدابوون و هزركر هه‌لبژارتیێ ئیتالیا كه‌فت و چو هێز نه‌ما، راسته هنده‌ك خه‌له‌تی په‌یدابوون و دیسان دوورئێخستنا یاریزانه‌كێ مه ب كارتا سۆر دناڤ یاریگه‌هێ دا كارتیكرن ل تیمێ كر، لێ خه‌ونا دبینم ئه‌وێ هزر دكه‌ن ئیتالیا كه‌فت، سه‌ركه‌فتن لسه‌ر به‌لیجكا به‌رسڤه‌ك بوو و دیسان یاریا ئه‌ینیا بهێت ل گه‌ل سویسرا دێ ده‌ربازبوونا خوه بۆ مۆندیالێ كه‌ینه فه‌رمی.
