هالاندی بڕیارا دووماهیێ دا
ئه‌ڤرۆ،
ستێرا نه‌رویجی و تیما ته‌پا پێی یا یانا بوروسیا دۆرتموند یا ئه‌لمانی ئیرلینگ هالاند بڕیاردا وه‌رزێ ئه‌ڤ ساله یێ دووماهیێ بیت ل خولا ئه‌لمانیا و نێزكترین یانه ریال مه‌درید یا ئسپانی و چێلسی یا ئنگلێزی نه بۆ گرێبه‌ستێ.
لدووڤ راپۆرتا ئاس یا ئسپانی دیاركر كو ستێرا نه‌رویجی هالاندی كارگێریا یانا خوه ئاگه‌هداركریه گرێبه‌ستا خوه بۆ وه‌رزه‌كێ دی نوو ناكه‌ت و حه‌ز هه‌یه به‌ره ب یانه‌كا دی بچیت ژبۆ ئارمانجێن خوه ژوانا ب ده‌ستڤه‌ئینانا چامپیۆنز لیگێ، هه‌مبه‌ری وێ به‌رپرسێن یانا ئه‌لمانی داخاز ژێ كریه بۆ وه‌رزه‌كێ دووڤدا به‌رده‌وامبیت و د رازینه مووچێ سالانه بهێته زێده‌كرن دوجاركی یا نوكه وه‌ردگریت، لێ مینۆ رایۆلا بریكارێ یاریزان هالاندی رژدیا وی دیاركریه كو حه‌ز ل یانه‌كا دی و هه‌ڤڕكیه‌كا دی هه‌یه و نێزیكترین یانه كو لدووڤ داخازیێن ئیرلینگ هالاندی یانا چێلسی یا ئنگلێزی و ریال مه‌درید یا ئسپانی یه و هه‌ردو یانه به‌رهه‌ڤن ل دووڤ حه‌زا وی گرێبه‌ستێ بۆ ئیمزابكه‌ن.
لدووڤ راپۆرتێن رۆژنامه‌ڤانی كو هاڤینا بهێت گرێبه‌ستا ستێرا نه‌رویجی هالاند ل گه‌ل بوروسیا دۆرتموند دێ ب دووماهی هێت بێی ڤه‌گه‌ڕێته دانۆستاندنێ ل گه‌ل یانا خوه مافێ هه‌یی بۆ هه‌ر یانه‌كێ گرێبه‌ستا خوه ئیمزابكه‌ت.
