زاخۆ نوونه‌را پارێزگه‌هێ یه و دهۆكێ خوه ڤه‌كێشا
ئه‌ڤرۆ،
چاڤه‌ڕێ یه ئه‌ڤرۆ ب پشكداریا 13 یانا پشككێشانا وه‌رزێ وه‌رزێ نوو یا خولا ئیراقێ بۆ یاریا باسكت بۆلێ ل سه‌ر ئاستێ یانێن پلا نایاب ل باژێرێ به‌غدا بهێته ئه‌نجامدان، تیما یانا زاخۆ وه‌كو نوونه‌را پارێزگه‌هێ دێ پشكداربیت هه‌مبه‌ری وێ یانا دهۆك خوه ڤه‌كێشا.
لدور ڤێ یه‌كێ خالد نه‌جم سكرتێرێ ئێكه‌تیا باسكت بۆلا ئیراقێ بۆ رۆژناما ئه‌ڤرۆ دیاركر وه‌رزێ نوو یێ ئه‌ڤ ساله دێ ب پشكداریا 13 یانا بیت ئه‌وژی، زاخۆ، نه‌فت، شورته، كاره‌با، نه‌فتا به‌سرا، ختوت ئه‌لجه‌ویه، نه‌فتا باكۆر، ته‌زامن، حلله، غازا باكور، حه‌شدا شه‌عبی، دیجله و سه‌ماوه و گوت: هه‌رچه‌نده ب فه‌رمی نه هاتیه راگه‌هاندن هه‌تا كۆمبوونا ئه‌ڤرۆ ل گه‌ل یانێن پشكدار لێ دووڤ سیسته‌مێ هه‌ڤڕكیا یاریێن وان دێ ب شێوێ خول دو قۆناغ هێنه كرن و هه‌شت یانه ده‌ربازبنه قۆناغا پله‌یی ئۆڤ ژبۆ دیاركرنا چار یانا بۆ چارگۆشا زێرین.
ژلایه‌كێ دووڤه ناڤهاتی گۆت: لدووڤ نڤێسارا فه‌رمی یا یانا دهۆكێ كو ژبه‌ر كاودانێن دارایی د شیان دا نینه پشكداری وه‌رزێ نوو بكه‌ت و داخازا هه‌لاویستنا پشكداریێ كریه، له‌ورا بڕیار هاتیه دان كو تیما وان ب مینته دناڤ خولا پلا نایاب دا و پشكداریا وان بۆ ناڤه‌راستا سالا بهێت یا هه‌لاویستی بیت، سه‌رباری بزاڤێن مه كو یانا دهۆك ئێك ژ زلهێزێن باسكت بۆلا ئیراقێ بوو كو ڤه‌گه‌ڕێته دناڤ خولێ دا لێ دیاربوو شیانێن دارایی نینن له‌ورا مه ڕێگری لێ نه‌گرت، ب هڤییا وێ یه‌كێ وه‌رزێ بهێت بشێت پشكداربیت ب باشترین شێوه.
