سووریێ: دڤێت توركیا هێزێن خوه ژ ئاخا مه ڤه‌كێشیت
ب، سه‌رجان مه‌حمود:
فه‌یسه‌ل میقداد وه‌زیرێ ده‌رڤه یێ سووریێ د داخۆیانیه‌كێ دا بۆ ده‌زگه‌هێن راگه‌هاندنا وه‌لاتێ خوه راگه‌هاند وان شیاینه پرانیا ئاخا سووریێ ژ تیرۆرستان پاقژ بكه‌ن و ئێدی ده‌مێ وێ یه‌كێ هاتیه كو توركیا هێزێن خوه ژ باكور و رۆژهه‌لاتێ سووریێ ڤه‌كێشیت و گۆت: (مه ل گه‌ل رۆسیا ده‌ست ب بزاڤه‌كا مه‌زن كریه دا كو ئدلب و باژێركێن دی یێن داگیركری ژ ده‌ستێن تیرۆرستان رزگار بكه‌ین و دووماهیێ ب داگیركه‌ریا توركیا ل باكور و رۆژهه‌لاتێ وه‌لاتێ خوه بینین و هه‌كه توركیا هێزێن خوه ڤه‌كێشیت بێگومان ئه‌م وه‌كو سووریا ئاماده‌ینه ل گه‌ل توركیا په‌یوه‌ندیێن خوه ئاسایی بكه‌ین).
وه‌زیرێ ده‌رڤه یێ سووریێ هه‌روه‌سا راگه‌هاند ژی كو د شه‌رێ ل دژی تیرۆرستان دا رۆسیا هه‌ڤكاریه‌كا مه‌زن دایه وان و هه‌بوونا رۆسیا ل وه‌لاتێ وان هاریكاریه‌كا مه‌زنه بۆ ژ نوو ڤه رزگاركرنا ئاخا سووریێ و گۆت: (به‌ری ده‌مه‌كێ سه‌رۆك به‌شار ئه‌سه‌د سه‌ره‌دانا رۆسیا كر و ل گه‌ل سه‌رۆك پوتین كۆمبوو و گه‌له‌ك بریارێن گرنگ هاتنه دان و د قۆناغا نها دا په‌یوه‌ندیێن مه ل گه‌ل رۆسیا گه‌له‌ك باشن و هه‌تا ئاشتی ل هه‌موو سووریێ جێگر بیت رۆسیا ژی دێ به‌رده‌وام هاریكاریا مه كه‌ت).
