سه‌رۆك وه‌زیرێن ئسرائیلێ دێ سه‌ره‌دانا رۆسیا كه‌ت
ئه‌ڤرۆ:
ده‌زگه‌هێن راگه‌هاندنا ئسرائیلێ دیار كرن كو نه‌فتالی بینیت سه‌رۆك وه‌زیرێن ئسرائیلێ دێ سه‌ره‌دانا رۆسیا كه‌ت و ل گه‌ل پوتینی سه‌باره‌ت ب پاشه‌رۆژا سووریێ، ئالۆزیێن ل گه‌ل ئیرانێ و بابه‌تێن گرێدای رۆژهه‌لاتا ناڤین كۆمبیت.
ل گۆر ده‌زگه‌هێن راگه‌هاندنا ئسرائیلێ سه‌رۆك وه‌زیرێن وی وه‌لاتی دڤێت رۆسیا رۆله‌كێ كاریگه‌ر بۆ چاره‌سه‌ركرنا ئالۆزیێن ل ده‌ڤه‌رێ بگێریت، ب تایبه‌تی ژی ئالۆزیێن نها ل سووریێ، چونكو ئسرائیل ب چو ره‌نگه‌كێ رێ ناده‌ت كو هێزێن سه‌ر ب ئیرانێ ل سووریێ خوه بهێز بكه‌ن و ببنه مه‌ترسی.
ئاژانسا سپوتینگ یا رۆسیا ژی دیار كریه كو سه‌رۆك وه‌زیرێن ئسرائیلی ئه‌و په‌یامه ژی گه‌هاندیه سه‌رۆكێ رۆسیا كو هه‌تا گرۆپێن سه‌ر ب ئیرانێ ل ئاخا سووریێ بمینن ئسرائیل دێ به‌رده‌وام هێرشی وان كه‌ت.
