ئاتا داود: نه هه‌لسه‌نگاندنه لێ باسكت بۆلا كچان بتنێ ل سه‌نحاریب مایه
ئه‌ڤرۆ،
د دیداره‌كێ دا ستێرا یانا سه‌نحاریب و یاریزانا هه‌لبژارتیا ئیراقێ بۆ یاریا باسكت بۆلێ دیاركر كو ل پارێزگه‌ها دهۆكێ نه‌شێت هه‌له‌سنگاندنا گشتی بكه‌ت لێ بتنێ باسكت بۆلا كچان ل یانا سه‌نجاریب یا هه‌یی و ئه‌ڤه به‌س نینه دڤێت زێده‌تر پشته‌ڤانی و یانه هه‌بن وه‌كو یانا ئافره‌تێن دهۆكێ.
زێده‌تر ئاتا داود بۆ رۆژناما ئه‌ڤرۆ گوت: جهێ سه‌رنجراكێشێ یه مه ل پارێزگه‌هێ زێده‌تری ده‌ه یانه هه‌بن و پشته‌ڤانی بۆ وه‌رزشا كچان و یاریا باسكت بۆلێ نه‌بیت، هه‌رچه‌نده دبیت هنده‌ك ده‌ڤه‌را كچا وه‌رزشڤان نه‌بیت یان ڕێ بوو نه هێته دان لێ سه‌نته‌ر و هنده‌ك قه‌زایان وه‌رزشڤان كچ بۆ یاریێن جودا هه‌نه و پشته‌ڤانی نینه، له‌ورا دێ بێژم بتنێ ل یانا سه‌نحاریب باسكت بۆل یا مایی و به‌رده‌وامه ژی و جهێ ده‌ستخووشیێ پشتی یانا ئافره‌تێن دهۆكێ هاتیه كاراكرن تا راده‌یه‌كی یا دهێته گۆره‌پانا وه‌رزشێ دا.
ژلایه‌كێ دووڤه ناڤهاتی ب ده‌ستڤه‌ئینانا رێزا دویێ یا قاره‌مانیا ئیراقێ بۆ یاریا باسكت بۆلێ ب ئارمانجێن خوه نه دا زانین و گۆت: هه‌رچه‌نده قاره‌مانیا بهێزبوو لێ ئه‌م ژ هه‌موو تیمان باشتربووین و ئارمانجامه ناسناڤێ قاره‌مانیا ئیراقێ بوو، ژ ده‌ستدانا وێ ژی ڤه‌دگه‌ڕیێت گوهۆرینێن دناڤ پێكهاتیێ تیمێ كو ب كۆمه‌كا یاریزانێن نوو و كێم شاره‌زاهیی هه‌رچه‌وابیت ئه‌ڤ یاریزانه دێ بنه پاشه‌رۆژا پارێزگه‌هێ و یانێ كو باشترین ئاست نیشان ده‌ن.
ئاتایی چوونا خوه بۆ ناڤ رێزێن هه‌لبژارتیێ ئیراقێ ب ما فێ خوه دا دیاركرن كو ئه‌ڤه چه‌ندین ساله وه‌كو ئێك ژ باشترین یاریزانێن كوردستانێ و ئیراقێ و پشكداری چه‌ندین قاره‌مانیێن ده‌رڤه كرینه و بوویه جهێ باوه‌ریا هه‌ر راهێنه‌ره‌كی ل هه‌لبژارتیێ ئیراقێ دا وگوت: نه بتنێ ئاتا هه‌كه‌ر پشته‌ڤانی هه‌بیت گه‌له‌ك كچێن پارێزگه‌هێ خودان شیانن بۆ وه‌رزشێن جودا پشكداری قاره‌مانیێن نێڤده‌وله‌تی بكه‌ن.
