یابان هۆشداریێ دده‌ته كۆریا باكور
ئه‌ڤرۆ:
ل گۆر راپۆرته‌كا BBC پشتی مانۆرا سه‌ربازی یا دو رۆژێن بۆری كۆریا باكور دو موشه‌كێن بالیستی ژی ل نێزیكی سنۆرێن ده‌ریایی ل گه‌ل یابانێ تاقی كرینه كو ئه‌و یه‌ك بوویه ئه‌گه‌رێ دلگرانیا وی وه‌لاتی و وه‌زاره‌تا ده‌رڤه یا یابانێ ب ره‌نگه‌كێ فه‌رمی هۆشداری دایه كۆریا باكور و داخواز ژ وی وه‌لاتی كریه كو ب كریارێن وه‌سا نه‌بنه ئه‌گه‌رێ هندێ په‌یوه‌ندیێن هه‌ر دو وه‌لاتان پتر ئالۆز ببن.
وه‌زاره‌تا ده‌رڤه یا یابانێ هه‌روه‌سا دیار كریه كو دڤێت كۆریا باكور ده‌ست ژ مانۆرێن وه‌سا و تاقیكرنا موشه‌كێن بالیستی به‌رده‌ت چونكو ئه‌و یه‌ك د به‌رژه‌وه‌ندیا چو ئالیه‌كێ دا نینه.
