د.ئاڤا غازی ره‌شید:گه‌له‌ك گه‌نجێن مه شیانێن مه‌زن هه‌نه به‌لێ ژبه‌ر تێكچوونێن ده‌روونی نه‌شێن دیاربكه‌ن
نۆشداره‌كێ تایبه‌تمه‌ندێ نه‌خۆشیێن ده‌روونی دیاردكه‌ت تێكچوونا ده‌روونی د به‌ربه‌لاڤن و نیشانێن وێ پێك دهێن ژ (دلته‌نگی وتێكچوون، ترس، شه‌رم، سۆربونه‌ك یان هشكبووناده‌ڤی و له‌رزین وخوهدان) و هنده‌ك جاران دگه‌هیته وی راده‌ی بزدیانه‌ك و ره‌جفینه‌ك ل ده‌ف وی كه‌سی په‌یدادبیت ودلێ وی زێده خوه دقوتیت ومه‌عیدێ وی تێك دچیت و گێژدبیت و پێدڤیه ژلایێ تایبه‌تمه‌نده‌كێ ده‌روونی بهێنه چاره‌سه‌ركرن.
د.ئاڤا غازی ره‌شید، تایبه‌تمه‌ندێ نه‌خوشیێن ده‌روونی دیاردكه‌ت ل جیهانێ هه‌میێ تێكچوونا ده‌روونی یا به‌ربه‌لاڤه و د ناڤ كومه‌لگه‌هامه دا تێكچوونێن ده‌روونی یێن جوداجودا هه‌نه، ئێك ژ وان تێكچوونا ترسا كومه‌لایه‌تییه دگه‌ل گه‌نجێن مه و قوتابیێن مه‌د بێژنێ (الرهاب الاجتماعی) یان سوشیال فوبیا، گه‌له‌ك گه‌نجێن مه شیانێن گه‌له‌ك مه‌زن هه‌نه، به‌لێ نه‌شێن دیار بكه‌ن ژبه‌ر تێكچوونا ده‌روونی.
د.ئاڤا غازی ره‌شید دبێژیت: ئه‌ڤ تێكچوونه هنده‌ك نیشانێن دلته‌نگی و نه‌ره‌حه‌تی ل ده‌ڤ ڤی كه‌سی په‌یدادبن، ده‌مێ ئه‌ڤ كه‌سه دكه‌ڤیته دبواره‌كێ كومه‌لایه‌تی دا، ده‌مێ ته‌ركیز دكه‌ڤیته سه‌ر وی بو نمونه ده‌مێ قوتابیه‌ك دناڤ هه‌ڤالێن خوه‌دا و مامۆستا پسیاره‌كێ ژێ دكه‌ت یان كه‌سه‌ك سمیناره‌كێ پێشكێش بكه‌ت یان د چافپێكه‌فتنه‌كێ دا، هه‌روه‌سا دناڤ كۆمه‌كا كه‌سان دابیت و هزركه‌ت هه‌موو به‌رێخوه دده‌نێ تێك دچیت، ئه‌و نیشانه ژی پێك دهێن دلته‌نگی و تێكچوون، ترس، شه‌رم، سۆربونه‌ك یان هشكبوونا ده‌ڤی و له‌رزین وخوهدانه و هنده‌ك جاران دگه‌هیته وی راده‌ی بزدیانه‌ك یان ره‌جفینه‌ك ل ده‌ڤ وی كه‌سی په‌یدادبیت و دلێ وی زێده خوه دقوتیت ومه‌عیدێ وی تێك دچیت و گێژدبیت، ئه‌و نیشانه هه‌موو ئه‌و بوون ده‌مێ ئه‌و كه‌س دكه‌ڤیته وان حاله‌تێن جڤاكی دا یێن مه به‌حس لێ كرین، د ڤی ده‌مێ ئه‌ف نیشانه په‌یدادبن ئه‌و كه‌س حه‌زدكه‌ت خوه دووركه‌ت ژبوارێ كومه‌لایه‌تی یانژی دێ حه‌زا ره‌ڤینێ ل ده‌ف په‌یدابیت، ئه‌گه‌ر هات وئه‌ف كه‌سه دووركه‌ت هوسا دبیته ئه‌گه‌رێ ب هێزكرنا ڤان هزرێن نه‌رێنی یێن ڤی كه‌سی هه‌ین دور خوه ل دۆر بابه‌تێن كومه‌لایه‌تی یێ لاوازه و خوه شكه‌ستی دبینیت و نه‌شێت خوه رابگریت.
هه‌روه‌سا د.ئاڤا غازی ره‌شید، تایبه‌تمه‌ندێ نه‌خۆشیێن ده‌روونی دبێژیت: ئه‌ڤه یابه‌ربه‌لاڤه هه‌ر هه‌شت كه‌سان كه‌سه‌ك تووشی ڤێ نه‌خۆشیێ دبن، رێژا ڤێ نه‌خوشیێ یازوره و كارتێكرنه‌كا زور ل نه‌خۆشی دكه‌ت ژلایه‌نێ خواندنێ ڤه، بو نموونه نه‌شێت گه‌له‌ك یێ چالاك بیت و سمیناره‌كێ پێشكێش بكه‌ت یان دناڤ كۆمه‌كا كه‌سان دا ئاماده‌ببیت، هه‌روه‌سا كارتێكرنێن نه‌رێنی ل لایه‌نێن په‌یوه‌ندی و كومه‌لایه‌تی ب شێوه‌یه‌كێ گشتی دكه‌ت، ب كورتی ئه‌ف كارتێكرنێن نه‌رێنی و تێكچونێن ده‌روونی ل ده‌ف گه‌له‌ك گه‌نجێن مه یا هه‌ی و كارتێكرنێ ل ژیانا وی و شیانێن كه‌سی دكه‌ت و هنده‌ك جاران دێ بینین ئه‌ف كه‌سێن تێكچوونا ده‌روونی ل ده‌ف هه‌ین، هنده‌ك تێكچوونێن دیتر ژی ل ده‌ف په‌یدادبن بونمونه تووشبون ب خه‌مۆكیێ یان ب كارئینانا مادێن بێهوشبه‌ر و ڤه‌خوارنا كحولی وگه‌له‌ك تێكچوونێن دی یێن ده‌روونی.
دو رێكێن سه‌ره‌كی هه‌نه بوچاره‌سه‌ریێ ئێك ب رێكا ده‌رمانان یا دوێ ب رێكا روونشتنێ دگه‌ل نوشدارێن ده‌روونی هنده‌ك ته‌كنیك و ئه‌ركێن تایبه‌ت یێن هه‌ین دده‌نه وی كه‌سێ تووشبووی ب وێ نه‌خۆشیا ده‌روونی ئه‌ف هه‌ردو رێكه پێكڤه دێ مفایه‌كێ باش ژێ وه‌رگریت ودده‌مه‌كی دا دێ ئه‌و كه‌س چاره‌سه‌ربیت.
