د.ماهر محه‌مه‌د ئه‌مین: قه‌سته‌ره نه ژ نشته‌رگه‌ریێن مه‌زنه و پتریا نه‌خۆشێن جه‌لتا دلی پێدڤی دبن
ئه‌ڤرۆ، بێوار شوكری:
نیشانێن دیار یێن جه‌لتا دلی سنگ ئێشان و بهێن ته‌نگیی یه و ئه‌گه‌رێن سه‌ره‌كی ژی نه‌خۆشیێن شه‌كرێ و فشارا خۆینێ و هنده‌ك ئاریشه‌یێن دی نه‌و، قه‌سته‌ره نه ژ نشته‌رگه‌ریێن مه‌زنه و پتریا نه‌خۆشێن جه‌لتا دلی پێدڤی دبن.
د.ماهر محه‌مه‌د ئه‌مین تاهر، تایبه‌تمه‌ندێ نه‌خۆشیێن دلی و قه‌سته‌را دلی دیاركر ژ نیشانێن جه‌لتا دلی ئه‌وه كو سنگێ مرۆڤی دئێشیت و به‌هرا پتر ره‌خێ چه‌پێ و نیڤه‌كا سنگی و دده‌ته حه‌فك و ملێ مرۆڤی یێ چه‌پێ و هنده‌ك جارا بێهنا مرۆڤی ژی ته‌نگ دبیت، ده‌مێ ئه‌ف نیشانه هه‌بن پێدڤیه نه‌خۆش سه‌ره‌دانا نه‌خۆشخانا ته‌نگاڤیا بكه‌ت یان سه‌ره‌دانا نۆشدارێ خو یێ تایبه‌ت بكه‌ت ژ نێزیك ره‌وشا وی بهێته دیتن، و گوت: نه هه‌ر سنگ ئێشانه‌ك جه‌لتا دلی یه، دگه‌ل وان نیشانێن مه دیاركرین عێلنجی و دل رابون و خوهدان ل ده‌ف نه‌خۆشی په‌یدا دبیت، و به‌هرا پتر یا حاله‌تێن جه‌لتا دلی نه‌خۆش نه‌شێت بمینته ل مال ئه‌و بخو بزاڤا دكه‌ت و ل چاره‌سه‌ریێ دگه‌ریێت.
د.ماهر محه‌مه‌د ئه‌مین تاهر دیاركر ژی ئه‌گه‌رێن سه‌ره‌كی یێن جه‌لتێ به‌هرا پتریا وان كه‌سا نه‌خۆشیا شه‌كرێ یان فشارا هه‌یی یان ژی جگاركێشه یان قه‌له‌وی و كێم وه‌رزش و دوهنیاتن، و قه‌له‌ق ژی ئێك ژ ئه‌گه‌را نه، و گوت: به‌هرا پتر یا نه‌خۆشێن جه‌لتا دلی پێدڤی ب قه‌سته‌رێ دبن و قه‌سته‌ره ژی نه ژ نشته‌رگه‌ریێن مه‌زنه، ئه‌م بێهۆشكرنا مه‌وزوعی بو نه‌خۆشی دده‌ستی یان به‌ر رانی را چێدكه‌ین، ئه‌م سه‌دكه‌نه شه‌راینێن دلی كا د چه‌وانه ره‌نگه ئێك یا گرتی بیت یان یا ته‌نگ بیت، و ئه‌م بالونا بو ددانین یان شه‌به‌كا، ئه‌ڤه وه‌ك چاره‌سه‌ری، و گوتژی: ژبلی قه‌سته‌رێ پێدڤی ب هنده‌ك جورێن حه‌با دبن یێن دوهنیاتانه و هنده‌ك هه‌ر گرێدایی دلی نه ئه‌م پشتی قه‌سته‌رێ دده‌نه نه‌خۆشی، داخازی ژ نه‌خۆشێن خو دكه‌ین ئیهمالێ نه‌كه‌ن ده‌مێ سنگێ وان دئێشیت نه میننه ل مال و سه‌ره‌دانا نه‌خۆشخانا ته‌نگاڤیا بكه‌ن.
