ئه‌نجوومه‌نێ نشتیمانی یێ كوردی هه‌لوه‌ستێ خوه ئاشكرا دكه‌ت
ئه‌ڤرۆ:
سه‌ركرده‌كێ ئه‌نجوومه‌نێ نشتیمانی یێ كوردی ل سووریێ دیار دكه‌ت كو گه‌فێن توركیا یێن بۆ ده‌ستپێكرنا ئۆپه‌راسیۆنه‌كا دی ل رۆژئاڤایێ كوردستانێ جهێ مه‌ترسیێ نه، چونكو تشتێ دیاره توركیا به‌رهه‌ڤیێن مه‌زن كرینه، مه‌ترسی هه‌یه كو تشتێ ل عه‌فرینێ، سه‌رێ كانیێ و گرێ سپی روو دای ل ده‌ڤه‌رێن دی یێن رۆژئاڤایێ كوردستانێ ژی روو بده‌ن و ئه‌و یه‌ك دێ كارتێكرنه‌كا خوه یا گه‌له‌ك خراب ل پاشه‌رۆژا كوردان ل سووریێ كه‌ت.
ئیبراهیم برۆ ئه‌ندامێ سه‌ركردایه‌تیا ئه‌نجوومه‌نێ نشتیمانی یێ كوردی ل سووریێ ئه‌و یه‌ك ژی دیار كر كو به‌ری نها جه‌نه‌رال مه‌زلۆم عه‌بدی گه‌له‌ك داخۆیانی دان و دخواست كورد ده‌ست ب قۆناغه‌كا نوو بكه‌ن و هه‌موو ئاریشێن د ناڤبه‌را خوه دا چاره‌سه‌ر بكه‌ن، لێ مخابن به‌رپرسێن په‌یه‌دێ گوهداریا داخۆیانیێن مه‌زلوم عه‌بدی نه‌كرن و نها ژی مه‌ترسیه‌كا دی یا مه‌زن ل سه‌ر رۆژئاڤایێ كوردستانێ هه‌یه، هه‌كه توركیا ده‌ست ب ئۆپه‌راسیۆنه‌كا نوو بكه‌ت دێ كارتێكرنه‌كا خوه یا گه‌له‌ك خراب ل رۆژئاڤایێ كوردستانێ كه‌ت، دڤێت د ئاستێ نێڤده‌وله‌تی دا كار بهێته كرن دا رێگری ل توركیا بهێته كرن، بێگومان ئه‌و یه‌ك ژی ب ساناهی نابیت، چونكو گه‌له‌ك ئاریشه ل رۆژئاڤایێ كوردستانێ هه‌نه و مخابن نه‌هاتنه چاره‌سه‌ر كرن.
