ئه‌لگێری: ب ڤێ ئاستی چو ناسناڤا ب ده‌ستڤه ناهێن
ئه‌ڤرۆ،
راهێنه‌رێ یانا یۆڤانتۆس یا ئیتالی ماسملیانۆ ئه‌لگێری ره‌خنه ل یاریزانێن تیما خوه گرت ئه‌وێن نه‌شیایی بۆ یاریا سێیێ لدووڤ ئێك د خولا ئیتالیا دا سه‌ركه‌فتنێ تۆماربكه‌ن و بڤی ئاستی دێ ناسناڤان ژی ژ ده‌ستده‌ن.
ناڤهاتی بۆ رۆژناما DAZN دیاركر كو په‌یڤ چو جهان نا گرن هه‌كه‌ر كریار نه‌بیت، سێ یاریه لدووڤ ئێك سه‌ركه‌فتن نه هاتینه و دڤێت راستگۆ بین ئه‌م ل رێزا هه‌شتێ نه ب 15 خالان ئه‌ڤه نه جهێ یۆڤانتۆسێ یه، دڤێت كار بكه‌ین بۆ راستڤه‌كرنا خه‌له‌لتیان و سه‌نگا تیما خوه ڤه‌گه‌ڕینێن ژبه‌ركو ب ڤێ ئاستی چو ناسناڤ ب ده‌ستڤه ناهێن، دڤێت باش ب زانین چو تیمێن بچووك و مه‌زن نینن به‌لكۆ ئه‌و تیما مفایی ژ ده‌لیڤێن خوه وه‌ربگریت و رێزگرتنا تیما هه‌مبه‌ر بكه‌ت دێ سه‌ركه‌ڤیت، چو رێك مه نینن ژ ده‌ستدانا خالان دڤێت بهێته راوه‌ستاندن.
