ئه‌ڤرۆ دهۆك دێ میسان مێڤان كه‌ت
ئه‌ڤرۆ
تیما ته‌پا پێی یا یانا دهۆك ئه‌ڤرۆ ب ژڤانه یاریا خوه یا سێیێ ژ هه‌ڤڕكیێن خولا پلا ئێكا ئیراقێ ئه‌نجامبده‌ت ده‌مێ مێڤانداریا یانا میسان ل ده‌مژمێر 2:45 نیڤرۆ ل یاریگه‌ها خوه یا سه‌ره‌كی بكه‌ت.
تیما یانا دهۆكێ ب چار خالان رێزا دویێ سه‌ر لیستا كۆما ئێكێ، میسان ب هه‌مان خال رێزا دویێ دهێت ئه‌وا كوفه ب شه‌ش خالان سه‌رێ لیستێ یه، لدور به‌رهه‌ڤیێن دهۆكێ عادل ناسر راهێنه‌رێ تیمێ گه‌شبینه بۆ ب ده‌ستڤه‌ئینانا ئه‌نجامه‌كێ باش و گوت: هه‌ر یاریه‌كا ئه‌م دكه‌ین ب تنێ هزرا سێ خالان دهێته كرن و ده‌لیڤا ژ ده‌ستدانێ نینه، یاری دێ د ناڤ ئه‌رد و جه‌ماوه‌رێ مه دا بیت ئه‌ڤچه‌نده باشترین پالده‌ره كو پشته‌ڤانیا جه‌ماوه‌ری كو یاریزانێن مه ب زاخه‌كا مه‌زن بهێنه دناڤ یاریێ دا و بوو سه‌ركه‌فتنێ رژدبن، میسان تیمه‌كا هه‌ڤڕكه بۆ پلێتا ده‌ربازبوونێ و دێ بزاڤێ كه‌ت خاله‌كێ ژی وه‌ربگریت، لێ ب هه‌موو شیانێن خوه دێ هه‌مبه‌ری وێ راوه‌ستیێن بۆ سه‌ركه‌فتنێ.
ژ یاریێن دی یێن ڤێ كۆمێ، كۆفه- مرور، مه‌سافی ئه‌لجنوب- حدود، دیفاع ئه‌لمه‌ده‌نی- سلیخ، رومادی- عه‌فك، سوق ئه‌لشیوخ- عه‌له‌م.
