عادل ناسر: هه‌تا نوكه پلانا مه سه‌ركه‌فتی یه بۆ نایابێ
ئه‌ڤرۆ،
تیما ته‌پاپێی یا یانا دهۆك پێشڤه هاته سه‌رێ لیستا كۆما دویێ یا خولا پلا ئێكا ئیراقێ پشتی شیایی سه‌ركه‌فتنه‌كا باش ل سه‌ر مێڤانا خوه یانا دفاع ئه‌لمه‌دنی یا به‌غدایی بینیت ب چار گۆلان بێی به‌رامبه‌ر، د یاریا واندا ئه‌وا ئه‌ینیا بوری ژ چارچووڤێ هه‌ڤڕكیێن گه‌ڕا چارێ ل یاریگه‌ها یانا دهۆكێ هاتیه كرن و شیایی ب ده‌ه خالان پێشڤه بهێته سه‌رێ لیستا كۆما خوه،ب كێمتریا دو گۆلان كوفه رێزا دویێ دهێت.
لدور ڤێ یاریێ عادل ناسر راهێنه‌رێ تیما دهۆكێ بۆ رۆژناما ئه‌ڤرۆ گوت: سه‌ركه‌فتنه‌كا باش و ژ هه‌ژی مه ب ده‌ستخوه‌ڤه ئینایی، هه‌موو یاریزان ل جهێ باوه‌ریێ بوون شیان یا پێدڤی د ناڤ یاریگه‌هێ دا بجه بینن، هه‌تا نوكه ئه‌و پلانا مه دانایی یا سه‌ركه‌فتی یه سه‌رباری كاروانێ خولێ یێ درێژه دڤێت بۆ هه‌ر یاریه‌كێ هزرا سێ خالان بكه‌ین ژبه‌ركو هه‌ڤڕكیێن مه ژی سه‌ركه‌فتنان دئینن و مه یاری ل گه‌ل نه كریه، ئێك ژ پلانێن مه نابیت چو خالان د ناڤ یاریگه‌ها خوه ژ ده‌ست بده‌ین، دیسان ژ ده‌رڤه‌یی یاریگه‌ها خوه ژی بزاڤێن سه‌ركه‌فتنێ و نه هێلین بێی خال ڤه‌گه‌ڕیێن، گه‌شبینم بڤی ئاستی دێ به‌رده‌وامیێ ده‌ینه سه‌رێ لیستێ و به‌ره ب ئارمانجا خوه ئه‌وژی ده‌ربازبوون بۆ پلا نایاب و ئه‌ڤه هیڤیێن مه‌نه.
