هه‌وا ڤاكسیندانانێ بۆ قوتابیان ل زانكۆیا دهۆك ده‌ست پێكر
دهۆك، له‌زگین جوقی:
به‌رپرسێ پلاندانانێ ل رێڤه‌به‌ریا گشتی یا ساخله‌میا پارێزگه‌ها دهۆكێ بۆ رۆژناما ئه‌ڤرۆ دیار كر، وان وه‌كو ساخله‌میا پارێزگه‌ها دهۆكێ دوهی 9/11/2021ێ ل زانكۆیا دهۆك ده‌ست ب هه‌وه‌كا ڤاكسیندانێ بۆ قوتابیان كر.
د. سیروان محه‌مه‌د ئه‌سوه‌د، به‌رپرسێ پلاندانانێ ل رێڤه‌به‌ریا گشتی یا ساخله‌میا پارێزگه‌ها دهۆكێ گۆت: “ساخله‌میا پارێزگه‌ها دهۆكێ ب هه‌ماهه‌نگی دگه‌ل زانكۆیا دهۆك ده‌ست ب هه‌وا ڤاكسیندانانێ بۆ قوتابێن زانكۆیێ كر، ئه‌م داخوازێ ژ هه‌موو قوتابیان دكه‌ین ڤێ ده‌لیڤی ژ دستێن خوه نه‌كه‌ن، رۆژانه ژ ده‌مژمێر 11 سپێدی هه‌تا ده‌مژمێر سێ ئێڤاری دێ تێمین ساخله‌میا دهۆكێ د ناڤ كه‌مپێ زانكۆیێ دا بن و ڤاكسێنێ دژی كۆرۆنایێ بۆ قوتابیان دانن”.
د. سیروان گۆتژی: “قوتابی بێی پێشوه‌خت ناڤێ خوه تۆمار بكه‌ن، یێن دهێنه ڤاكسیندان، ئانكو قوتابی دشێن ناسنامه‌یێن خوه د گه‌ل خوه دا بینن و ئیكسه‌ر ڤاكسین دێ بۆ هێته دانان، له‌و هیڤیدارین هه‌موو قوتابی ڤاكسینا دژی كۆرۆنایێ بدانن”.
