جه‌نه‌رال حه‌فته‌ر خوه بۆ هه‌لبژارتنان به‌ربژار كر
ئه‌ڤرۆ:
جه‌نه‌رال خه‌لیفه حه‌فته‌ر فه‌رماندارێ له‌شكرێ نشتیمانی یێ لیبیا خوه بۆ هه‌لبژارتنێن سه‌رۆكاتیا لیبیا به‌ربژار كر و راگه‌هاند كو پێدڤیا گه‌لێ لیبیا ب ئارامی و وه‌لاته‌كێ بهێز هه‌یه و دڤێت ب رێیا هه‌لبژارتنان قۆناغه‌كا نوو ل لیبیا ده‌ستپێ بكه‌ت، ژ به‌ر هندێ ژی وی دڤێت ببیته سه‌رۆكێ لیبیا دا بشێت هه‌موو پرسێن نها یێن ل لیبیا چاره‌سه‌ر بكه‌ت.
حه‌فته‌ری ئه‌و یه‌ك ژی دیار كر كو گه‌له‌ك وه‌لات دخوازن ره‌وشا نها یا ئالۆز ل لیبیا به‌رده‌وام بیت، لێ دڤێت گه‌لێ لیبیا ب رێیا هه‌لبژارتنان به‌رسڤا هه‌موو دوژمنان بده‌ن و پشته‌ڤانیێ ل وه‌لاته‌ك ئازاد و دیموكرات بكه‌ن.
