لاپۆرتا: ڤه‌گه‌ڕیانا مێسی بۆ به‌رشه‌لۆنا دوور نابینم
ئه‌ڤرۆ،
سه‌رۆكێ یانا به‌رشه‌لۆنا یا ئسپانی خوان لاپۆرتا دیاركر كو به‌ری چوونا ستێرا ئه‌رجه‌نتینی لیونێل مێسی ژ یانا وی بۆ پاریس سانجێرمان هیڤی هه‌بووینه كو دێ رۆژه‌ك هێت ئه‌و ڤه‌گه‌ڕێته دناڤ یانێ دا و ئه‌ڤێ چه‌ندێ ژی دوور نابینم.
زێده‌تر ناڤهاتی ئه‌وێ د دیداره‌كێ دا بۆ رۆژناما مۆندۆ دیپۆرتیڤۆ یا ئسپانی گوت: نه بتنێ مێسی به‌لكۆ ئه‌ندرێس ئه‌نیستا ژی به‌رهه‌ڤیا خوه دیاركریه دووباره ڤه‌گه‌ڕێنه دناڤ رێزێن یانا به‌رشه‌لۆنا دا و هه‌ردوكا ب شێوه‌كێ پێشچاڤ راگه‌هاندیه و ئه‌م ژی دێ چاڤه‌ڕێ هاتنا وان بین، من باوه‌ری یا هه‌یی د ده‌مه‌كێ نێزك دا دێ ڤه‌گه‌ڕیێن و دوور نابینم.
ژلایه‌كێ دووڤه ناڤهاتی گۆت: چاڤی هێرناندێز راهێنه‌رێ تیمێ ل گه‌ل هه‌ردو یاریزانان ئاخفتیه و گه‌شبینی په‌یداكرینه لێ دڤێت خوه ل ده‌می بگرین هه‌تا وه‌رزێ ئه‌ڤ ساله ب دووماهی بهێت و باش دزانم مێسی دێ ل به‌رشه‌لۆنا هه‌موو هیڤیێن خوه دووباره كه‌ته ڤه و دزانم ل فره‌نسا یێ ئارام نینه بتنێ ل گه‌ل مه دێ هێزا خوه ڤه‌گه‌ڕینیت.
