مه‌حمود محه‌مه‌د: ناسناڤێ حه‌جی رێكانی جهێ شانازیێ یه و دێ هێته خه‌لاتكرن
ئه‌ڤرۆ،
د داخویانیه‌كێدا سه‌رۆكێ ئێكه‌تیا له‌ش جوانیێ ل پارێزگه‌ها دهۆكێ دیاركر كو ئه‌و ناسناڤێ یاریزانێ پارێزگه‌هێ حه‌جی عه‌بدولسه‌لام رێكانی د قاره‌مانیا تایبه‌ت یا ئاسیا دا بده‌ستڤه‌ئینایی و پلا ئێكێ هاتی جهێ شانازیێ یه و دێ بزاڤێ كه‌ین پێشوازیا وی ب شێوه‌كێ جوان بهێته كرن و ژلایێ پارێزگارێ دهۆكێ ڤه ژی بهێته خه‌لاتكرن.
زێده‌تر مه‌حمود محه‌مه‌د گۆت: به‌ری چوونا یاریزان حجی رێكانی بۆ وه‌لاتێ لوبنانێ ژبۆ پشكداریێ د قاره‌مانیێ دا ئه‌م ئاگه‌هداركربووین و مه ژی ژلایێ خوه پشته‌ڤانیا خوه بۆ دیاركر، لێ پشتی چوونا وی و هه‌تا هاتیه كوردستانێ ژی مه چو پێزانین ژ وی بخوه نه وه‌رگرتبوون ئانكۆ په‌یوه‌ندی ب مه نه دهاته كرن هه‌تا مه ژ نشكه‌كێ ڤه ل تۆرێن چڤاكی زانی كو یێ ڤه‌گه‌ڕیایی بیێ مه ئاگه‌هدار بكه‌ت، سه‌رباری ئه‌ڤێ هه‌میێ ژی و هه‌رچه‌نده قاره‌مانیه‌كا نه فه‌رمی ژی بوو به‌لكو ژلایێ كۆمپانیه‌كێ و چه‌ند ئێكه‌تیێن وه‌رزشی یێن وه‌لاتێن جودا بوون ب ناڤێ قاره‌مانیا ئاسیا لێ ئه‌م شانازیێ ب ده‌ستكه‌فتێ قاره‌مان حه‌جی رێكانی دكه‌ین و دێ پێشوازیه‌كا جوان لێ هێته‌كرن و هه‌روه‌سان ب هه‌ماهنگی دێ پارێزگارێ دهۆكێ پێشوازیێ لێ كه‌ت و هێته خه‌لاتكرن.
ژلایه‌كێ دووڤه ناڤهاتی گۆت: قاره‌مانی نه ب پشكداریا 45 وه‌لاتان بوو وه‌كو هاتیه راگه‌هاندن لێ یا 45ێ بوو بتنێ ئیراقی، لوبنان و سوریا و دیسان دو یاریزان ژ هه‌ر ئێك وه‌لاتێن قه‌ته‌ر، ئۆزپاكستان ژی پشكداربووینه، هه‌رچه‌وابیت حه‌جی رێكانی بوویه قاره‌مان وه‌كو كورده‌ك شانازیێ پێ دبه‌ین و دیرووكه‌كا زێرینه بۆ كوردستانێ و پارێزگه‌ها دهۆكێ.
