ئێشانا شه‌قه سه‌رێ دگه‌ل ده‌سپێكرنا وێ سێ ده‌مژمێران هه‌تا سێ روژان ژی ڤه‌دكێشیت
ئه‌ڤرۆ:سولین ابراهیم سمو
شه‌قیقه ئێشاناسه‌ری یه، ناڤێ وی هاتی شه‌قیقه، ئانكو شه‌قه‌یا سه‌ری یان ره‌خه‌كێ سه‌ری مروڤی دئێشیت، به‌هرا پتر دناف خه‌لكی دا ره‌خه‌كێ سه‌ری یه و دبیت هه‌ردو ره‌خێن سه‌ری بگریت، ئێشانا شه‌قیقێ پاتكا مروڤی و چاڤێ مروڤی دگه‌لدا دئێشن و به‌هرا پتر بو وان ته‌مه‌نایه یێن دناڤبه‌را 1 هه‌تا40 سالی و دبیت بچووكتر یان مه‌زنتر ژی بگریت.
د:سه‌گڤان محمدصالح، تایبه‌تمه‌ندێ نه‌خۆشیێن مێشكی و ده‌ماران دیاركر، نیشانێن شه‌قیقا سه‌ری ئه‌وه ره‌خه‌كێ سه‌رێ مروڤی ب توندی دئێشیت وگه‌له‌ك هه‌ستیاردبیت ژده‌نگان و روناهیێ وبێهنا وهه‌روه‌سا عێلنجی و دلرابون جارجاریادگه‌ل داهه‌ی ئه‌وئێشان هندكارتێكرنێ ل توشبویێ شه‌قیقێ دكه‌ت نه‌شێت كارێن خوبكه‌ت نه‌شێت باخڤیت حه‌زناكه‌ت گوه ل ده‌نگابیت پتر حه‌زدكه‌ت بچیته ژوره‌كا تاری و بێده‌نگ ئه‌ڤه‌ر دخه‌وبچیت دبیت سه‌رئێشانا وی كێمتر لێبێت ،هه‌روه‌سائێشانا شه‌قیقێ دگه‌ل ده‌سپێكرناوێ 3سێ ده‌مژمێران یان هه‌تا سێ روژان ژی ڤه‌دكێشیت به‌س كێمتری سێ ده‌مژمێران نینه،ئه‌گه‌ر كه‌سێ توشبوی هه‌رزوی بێهناخوڤه‌كه‌ت و هاریكاریا خو بكه‌ت یان حه‌بكه‌كێ بخوت و بنڤیت دبیت زویتر چاره‌سه‌ر بیت ،داكوكه‌سێ نه‌خوشیا شه‌قیقێ هه‌بیت یێ پاراستیبیت ژ ئێشاناشه‌قیقێ دڤێت نڤستنه‌كا رێكخستی هه‌بیت ،ژ روژا كه‌س 8تا9ده‌مژمێرا پتر یان كێمتر نڤست دبیت توشی ئێشانا شه‌قیقێ بیت دوێ روژێ دا،و توره‌بون و عاجزبون ئێك ژئه‌گه‌رانه ،هه‌روه‌سا یاپێدڤیه خوارنه‌كا رێكخستی هه‌بیت دده‌مێن دروست دا خوارنێ بخوت چونكی برس دبیته ئه‌گه‌رێ ئێشانا شه‌قیقێ، ئه‌و خوارنێن دبنه ئه‌گه‌رێ سه‌رئێشانا مروڤی دوهنیات وشریناهی وسپیاتیێن گه‌له‌ك ب دوهن دناڤدا وهنده‌ك نه‌خوش ژی دبیت هه‌می جورێن چه‌ره‌زان وفێقیان بودباش نه‌بن به‌س نه‌خوش هیچدی هێدی دێ زانیت كا كیش خوارن دبیته ئه‌گه‌رێ سه‌رئێشانا وی وخوژوان خوارنان دویربكه‌ت،ئه‌وكه‌سێن ئه‌ف نیشانه هه‌ی یاپێدڤیه سه‌ره‌دانا نوشدارێن تایبه‌تمه‌ندبكه‌ن و ل دوف رێنمایێن نوشداری بچیت. د:سه‌گڤان محمدصالح،تایبه‌تمه‌ندێ نه‌خوشیێن مێشكی وده‌ماران
شه‌قیقه‌ژچ پشكنینان دیارنابیت بتنێ ب نیشانان دیاردبیت دوی ده‌می داپێدڤی ب تیشكه‌كێ دبن ده‌مێ نوشدار نیشانه‌كا دی دبینیت ئه‌گه‌رژنشكه‌كێڤه ئێشانه‌كاتوندپه‌یدابو یان سه‌ر ئێشانا وی كه‌سی نه وه‌ك هه‌رجار ب ئێشیت وشك و گومان ل سه‌ر نه‌زیفاخوینێ هه‌بیت یان گرێیه‌كێ دگه‌ل ئێشاناسه‌رێ وی كه‌سی هه‌بیت،هه‌روه‌سا ئێشانا شه‌قیقێ دبیت هه‌یڤێ دوویاسێ جاران پتر یان كێمتر ب ئێشیت و نه‌خوش یێ هی حه‌فتیێ دووتاسێ جاران یان ژی هه‌رروژ ئێشانا هه‌ی ئه‌ڤ سه‌رئێشه به‌هراپتر دمینته‌ل گه‌ل نه‌خوشی هه‌تا ته‌مه‌نێ 40تا45سالی و هنده‌ك نه‌خوش هه‌تا ژیه‌كێ زێده‌تر ژ50 سالی دڤێ نه‌خوشیێ دادمینن ئه‌و نه‌خوشن یێن ئاریشه‌كادی دگه‌ل هه‌بیت وه‌كی نه‌خوشیێن جیوبا وچاڤان یان فه‌قه‌راتێن ستوی،ئه‌ونه‌خوشێن سێ تاچارجاران دهه‌یڤێ دا سه‌رێ وی ب ئێشیت بتنێ دێ وی ده‌می چاره‌سه‌ریێ وه‌رگریت دگه‌ل ئێشانێ به‌س ئه‌و نه‌خوشێ پتر ژ چارجاران دهه‌یڤێ دا سه‌ر ئێشان هه‌بیت دێ ب به‌رده‌وامی چاره‌سه‌ریان وه‌رگریت،نه‌خوش دێ چاره‌سه‌ریاپاراستنێ(علاج وقائی)وه‌رگریت بوماوێ شه‌ش هه‌یڤان هه‌تاساله‌كێ ،ل گه‌ل دویفچونێ ئه‌گه‌ر مفاژ جوره‌كێ چاره‌سه‌ریێ نه‌وه‌رگرت دێ ب جوره‌كێ دی هێته گهورین،نه‌خوشیا شه‌قیقێ نابیته ئه‌گه‌رێن چ نه‌خوشیێن دی دناف له‌شێ مروڤی دا به‌لێ دبیت ژبلی نه‌خوشیاشه‌قیقێ وی كه‌سی هنده‌ك نه‌خوشیێن دی ل ده‌ف په‌یداببن وه‌كی نه‌زیفا خوینێ یان گرێیه‌ك دسه‌ری دا په‌یدا ببیت به س ئه‌و نه‌خوشیه نابنه ئه‌گه‌رێ شه‌قیقێ ، میكانزما شه‌قیقێ ئه‌وه ده‌مێ ئێشان په‌یدادبیت ده‌مارێن جینیكێن مروڤی فره‌ه دبن وده‌مێ فره‌ه دبن گه‌له‌ك خوین دهێتێ وده‌مێ سه‌ردئێشیت دێ هه‌ست پێكه‌ی وه‌كی لێدانادلی خودقوتیتن خوین دهێت ئه‌وده‌ماره پیچه‌ك فره‌هتر لێدهێت وكارتێكرنێ ل ده‌مارێن هه‌ستان دكه‌ت وئه‌گه‌ر مروف ده‌ستێ خو دانیته سه‌ر جێنیبكا خو وشداند ئه‌وده‌مارێن فره‌ه بوین دێ ته‌نگ بن خوین ناهێتێ دێ سه‌رێ مروڤی ئارامتربیت به‌س پشتی مروف به‌رده‌ت دێ جاره‌كادی ئێشیته‌ڤه ئانكو گرێدانا سه‌ری بتنێ بو شه‌قیقێ فایده‌یه‌كێ ده‌می یه .
