ئه‌حمه‌د سه‌بری: یاریا ئه‌ڤرۆ بۆ پاراستنا سه‌رێ لیستێ یه
ئه‌ڤرۆ،
دهێته چاڤه‌ڕێكرن ئه‌ڤرۆ ل ده‌مژمێر دو یێ نیڤرۆ تیما ته‌پا پێی یا یانا دهۆكێ مێڤانداریا هه‌ڤڕكا خوه یانا كوفه بكه‌ت ژ گرنترین یاریێن گه‌ڕا شه‌شێ یا خولا پلا ئێكا ئیراقێ ب ئارمانجێن پاراستنا سه‌رێ لیستێ.
تیما پارێزگه‌هێ ب 11 خالان سه‌رێ لیستێ دهێت، دێ بزاڤێ كه‌ت دناڤ ئه‌رد و جه‌ماوه‌رێ خوه دا سێ خالێن یاریێ ب ده‌ستڤه بینت و رێزبه‌ندیا خوه پارێزیت، هه‌مبه‌ری وێ هه‌ڤڕكا وێ یانا كوفه ب هه‌مان خالان لێ ب جوداهیا دو گۆلان رێزا دویێ دهێت و نه هاتیه گه‌شتێ بكه‌ت به‌لكو بۆ سه‌ركه‌فتنێ و ده‌ستڤه‌ئینانا ئه‌نجامه‌كێ باش و ب خاله‌كێ ژی رازیبیت.
لدور دووماهی به‌رهه‌ڤیێن تیما دهۆكێ ئه‌حمه‌د سه‌بری ستێرا یانێ بۆ رۆژناما ئه‌ڤرۆ گوت: ب هه‌ر شێوه‌كی بیت دڤێت ئه‌ڤرۆ نه هێلین چو خالان ژ ده‌ست بده‌ین و هه‌موو یاریزان رژدن بۆ ده‌ستڤه ئینانا سه‌ركه‌فتنێ پێخه‌مه‌ت پاراستنا رێزا ئێكێ و به‌رده‌وامی دان بۆ هیڤیێن خوه ئه‌وژی ده‌ربازبوون بۆ پلا نایاب، یاری ب سانه‌هی نابیت هه‌مبه‌ری هه‌ڤڕكا مه ئه‌وا ب تنێ جوداهیا گۆلان رێزا دویێ دهێت ئه‌ڤچه‌نده ژی دڤێت نه‌هێلین به‌رده‌وامیێ بده‌ته نێزكبوونێ به‌لكو شه‌ڕی بۆ سه‌ركه‌فتنێ بكه‌ین پێخه‌مه‌ت دووركه‌فتن ژ خودانا رێزا دویێ ب خالان، هه‌روه‌سا ناهێلین د ناڤ یاریگه‌ه و جه‌ماوه‌رێ خوه دا چو خالان ژ ده‌ست بده‌ین.
ژ یاریێن دی یێن ئه‌ڤرۆ، حدوود ئه‌وا رێزا سێیێ دهێت دێ مێڤانداریا مرور كه‌ت، میسان خودانا هه‌شت خالان رێزا چارێ دێ مێڤانداریا عه‌فه‌ك كه‌ت، سلیخ – عه‌له‌م، دیفاع ئه‌لمه‌دنی – رومادی، مه‌سافی ئه‌لجنوب – سوق ئه‌لشیوخ.
