پارێزگارێ دهۆكێ حه‌جی رێكانی خه‌لاتكر
ئه‌ڤرۆ، نه‌وزاد هلۆری:
دوهی د. عه‌‌لی ته‌‌ته‌‌ر پارێزگارێ دهۆكێ پێشوازیا حه‌جی رێكانی قاره‌مانیا ئاسیا بۆ یاریا له‌شجوانیێ ل كوچكا پارێزگه‌هێ كر و پشته‌ڤانیا خوه بۆ هه‌ر كاره‌كێ ئه‌نجامدایی و پاشان خه‌لاتكر و دیاركر كو به‌رهه‌ڤن بۆ پشته‌ڤانیا هه‌ر گه‌نجه‌كێ خودان شیان بیت كو بشێت خزمه‌تا پارێزگه‌هێ د هه‌ر بیاڤه‌كی دا بكه‌ت.
لدۆر ڤێ پێشوازیێ و خه‌لاتكرنێ حه‌جی رێكانی بۆ رۆژناما ئه‌ڤرۆ گۆت: سوپاس بۆ پارێزگارێ دهۆكێ كو پێشوازی ل من كری و رێز ل ماندیبوون و ده‌ستكه‌فتێ من گرتی و خه‌لاتكریم، پێدڤی یه جهێن شوله‌ژێ پشته‌ڤانیا هه‌موو وان كه‌سان بكه‌ن كو خودان شیان د هه‌موو بیاڤان دا، هه‌رده‌مێ بوونه خودان ده‌ستكه‌فت دڤێت پێشوازیا وان بهێته‌كرن و یا پێدڤی بوو بكه‌ن دا كو ئه‌و بشێن به‌رده‌وام بن.
هه‌روه‌سا ناڤبری دیاركر ژی كو ئه‌و به‌رهه‌ڤیان دكه‌ت دا كو ل كارێن داهاتی دا بشێت پشكداریێ د قاره‌مانیا جیهانی یا له‌شجوانیێ دا بكه‌ت و گۆت ژی: هه‌ر كاره‌كێ مرۆڤ ب رژدی ده‌ستپێ بكه‌ت، بێگومان دێ سه‌ركه‌فتی بیت.
