ئومیكرۆن چیه؟
ئه‌ڤرۆ، به‌رپه‌رێ ساخله‌میێ:
ئومیكرۆن ناڤێ نفشێ نوو یێ كۆرۆنایێ یه، وه‌كو ئه‌لفا و بێتا.
پرۆفیسۆر تولیو ئولیفێرا، رێڤه‌به‌رێ سه‌نته‌رێ به‌رهنگاریا په‌ژیان ل باشۆرێ ئه‌فریقیا دبێژیت: گرۆپه‌كێ گوهۆرینێن نه‌سرۆشتی ب خوه‌ڤه‌گرتینه كو گه‌له‌ك جوداهی دگه‌ل یێن دی هه‌یه و مه پێشبینیا ڤان گۆهۆرینان نه‌دكر، چونكو 50 گوهورین لسه‌ر په‌یدابووینه و ده‌مێ ده‌لتا په‌یدابووی ب تنێ دو گوهۆرین ب خوه‌ڤه‌دیتبوون.
ئه‌ڤ گوهورینه هه‌موو ده‌مێ دچنه دله‌شێ مرۆڤه‌كی دا دێ ب زه‌حمه‌ت بیت بهێته كونترولكرن، به‌لێ دگه‌ل ڤێ چه‌ندێ هێشتا پێ دڤێت دا بزانین ئه‌ڤ گوهۆرینه دێ چكه‌ن.
تشتێ ب مه‌ترسی ئه‌وه ئه‌ڤ ڤایرۆسێ نوكه ب رەهوریشال ژ یێ به‌ری نوكه یێ جودایه، ئه‌وێ كو ل باژێرێ ووهان یێ چینی په‌یدابووی و ئه‌ڤه ڕامانا وێ چه‌ندێ دده‌ت كو دبیت ڤاكسینان كاریگه‌ریا خوه گه‌له‌ك نه‌بیت.
پروفیسۆر ریتشارد لیسیلز ل زانكۆیا كوازولو ل باشۆرێ ئه‌فریقیا دبێژیت: تشتێ مه دترسینیت ئه‌وه ئه‌ڤی ڤایروسی شیانێن ڤه‌گۆهاستنێ ژكه‌سه‌كی بو ئێكی هه‌نه و شیانێن هه‌ین به‌رگریا له‌شێ مرۆڤی ژی لاوازبكه‌ت، گه‌له‌ك خوه‌گوهور په‌یدابوون كو جهێ مه‌ترسیێ بوون ل سه‌ر كاغه‌زێ، به‌لێ كونترول لسه‌ر هاته‌كرن، وه‌كو ده‌لتایێ كو بله‌ز به‌لاڤه‌دبوو، به‌لێ شیاین ب رێیا ڤاكسینێ كونترول بكه‌ین، ئاریشا یێ نوكه ئه‌وه گه‌له‌ك ب زه‌حمه‌ته كونترول بكه‌ین.
پروفیسور رافی كوپتا دبێژیت: راسته هێشتا زوی یه بڕیار لسه‌ر بهێته دان، به‌لێ براستی جهێ ترسێ یه.
هه‌تا نوكه 77 حاله‌ت ل باژێرێ گوتنگ ل باشۆرێ ئه‌فریقیا په‌یدابووینه و چار حاله‌ت ل بوتسوانا و ئێك ل هونگ كونگ.
هه‌روه‌سا راپۆرت دیاردكه‌ن كو ل به‌لجیكا و ئیسرائیل ژی حاله‌ت هاتینه توماركرن و به‌لگه یێن هه‌ین كو گه‌له‌ك زوی و به‌رفرەه دێ به‌لاڤه‌بیت.
هێشتا دیارنه‌بوویه ئه‌و وه‌لاتێن 24% خه‌لكێ وان ڤاكسین وه‌رگرتی دێ دپاراستی بن یان نه.
د بابه‌تێن ڤایرۆسان دا پێدڤیه گه‌له‌ك زێرەڤانیا كه‌سێن تووشبووی بهێته‌كرن هه‌تا به‌رسڤا هه‌موو پرسیاران ب دروستی بهێته زانین.
