ئه‌ڤرۆ باشترین یاریزانێن جیهانێ دێ هێنه دیاركرن
ئه‌ڤرۆ،
ئه‌ڤرۆ ب شه‌ڤ جه‌ماوه‌رێ وه‌رزشی تایبه‌ت یێ یاریا ته‌پا پێی دێ چاڤه‌رێ رێوره‌سمه‌كێ تایبه‌ت بیت ژبۆ دیاركرنا باشترین یاریزانێ جیهانێ یێ وه‌رزێ 2021ێ، ژ چارچووڤێ ئاهنگا تایبه‌ت یا گۆڤارا فرانس فۆتبۆل یا فره‌نسی ئه‌وا ژماره‌كا مه‌زن یا یاریزانێن كوڕ و كچ بۆ بالندۆرێ هاتینه به‌ربژاركرن كو بڕیاره ل پایته‌ختێ فره‌نسا پاریس ب ئاماده‌بوونا مه‌زنه به‌رپرسێن وه‌رزشی یێن فیفایێ و یانه و وه‌رزشڤانێن جیهانی ئاماده‌بن.
لدووڤ گۆڤارا فرانس فۆتبۆل ئه‌و یاریزانێن كوڕ هاتینه ژێگرتن ئه‌وژی، ئیرلینگ هالاند- برۆسیا دورتمۆند، لیونێل مێسی ، جیانلۆجی دۆنارۆما ، كلیان مپابی و نیمار داسیلڤا ژ یانا پاریس سانجێرمان، محه‌مه‌د سه‌لاح- لیڤه‌رپۆل، كریستیانۆ رۆنالدۆ و برۆنۆ فرناندێر- مانچسته‌ر یونایتد، كه‌ریم بنزێما و لۆكا مودرێچ –ریال مه‌درید، جیرارد مۆرنیۆ- ڤیاریال، لویس سوارێز- ئه‌تله‌تیكۆ مه‌درید، پێدری- به‌رشه‌لۆنا، جورجینیۆ، رۆمێلۆ لۆكاكۆ، نگۆلۆ كانتی، ماسۆن ماونت و سیزار ئازبێلیكۆتیا ژ یانا چێلسی، لیوناردۆ بۆنێچی و جورجیۆ كێلینی- یۆڤانتوس، ریاز محرز، فێل فۆدین، ره‌حیم سترلینگ، كیڤێن دی بروین و روبێن دیاز ژ مانچسته‌ر ستی، رۆبێرتۆ لیڤاندۆڤێسكی- بایرن میونخ، هاری كین- تۆتنهام، نیكۆلۆ بارێلا و لۆتارۆ مارتینێز – ئه‌نتر میلان، سیمۆ كێیر- ئه‌ی سی میلان.
ژلایه‌كێ دووڤه راپۆرتێن رۆژنامه‌ڤانی دیاركرن كو سێ یاریزان به‌ربژارێن بهێز و سه‌ره‌كی نه بۆ خه‌لاتێ ئه‌ڤساله ئه‌وژی، لیۆنێل مێسی، رۆبێرتۆ لیڤاندۆڤێسكی و كه‌ریم بنزێمه.
- به‌ربژارێن كچ بۆ باشترین یاریزان.
گۆڤارا فرانس فۆتبۆل 20 یاریزانێن كچ به‌ربژاركرینه بۆ خه‌لاتێ سالێ و پێنچ ژوان هه‌ڤڕكێن سه‌ره‌كی نه ئه‌وژی، یێن هه‌لبژارتیێ ئسپانیا ئه‌لێكس بۆتیلاس، ساندرا بانۆس، هه‌رسێ یاریزانێن هه‌لبژارتیێ كه‌نه‌دا جێسی فیلمینگ، ئاشلی لۆرانس و كرێستین سنگلێر.
- به‌ربژارێن گه‌نج.
ده‌ه یاریزانێن گه‌نج ل سه‌ر ئاستێ جیهانێ هاتینه ده‌ستنیشانكرن بۆ باشترینێ 2021 ئه‌وژی، ماسۆن گرینوود یاریزانێ مانچسته‌ر یۆنایتد، بۆكایۆ ساكا یاریزانێ ئارسنال، پێدری یاریزانێ به‌رشه‌لۆنا، جێرێمی دۆكۆ یێ ستاد رین، ریان گراڤنبۆرگ یێ ئه‌یاكس، جمال مۆسیالا- بایرن میۆنخ، فلۆریان فێرتێز- بایرن لیڤه‌ركۆزن، گۆد بیلینگهام و جیۆڤانی رینا – بوروسیا دۆرتمۆند، نونو میندیچ – پاریس سانجێرمان.
- به‌ربژارێن خه‌لاتێ یاچین بۆ گۆلپارێزان.
ده‌ه گۆلپارێزێن جیهانێ هه‌ڤڕكیێ بۆ خه‌لاتێ یاچین دكه‌ن ئه‌وژی، جیانلۆیجی دۆنارۆما- ئیتالیا، ئیدرسۆن- مانچسته‌ر ستی، كاسپر شمایكل- لیسته‌ر ستی، ئیدۆارد میندی – چێلسی، تیپۆ كۆرتۆا – ریال مه‌درید، ئیمیلیانۆ مارتییز- ئه‌رجه‌نتین، مانۆێل نویر – بایرن میوۆنخ، یام ئۆبلاك ئه‌تله‌تیكۆ مه‌درید، سمیر هاندانۆڤێچ ئه‌نتر میلان، كیلۆر ناڤاس – پاریس سانجێرمان.
بۆ زانین جارا ئێكێ خه‌لاتێ ته‌پا زێری ل سالا 1956 ژلایێ گۆڤارا فرانس فۆتبۆل یا فره‌نسی هاتبوو به‌لاڤكرن و هه‌تا نوكه به‌رده‌وامه، ل سالا بوری ژبه‌ر په‌تایا كورۆنایێ نه هاتبوو ئه‌نجامدان، لیونێل مێسی زێده‌تر ژ هه‌موویان ده‌ستڤه ئینایه ئه‌وژی شه‌ش جاران، دووڤدا كریستیانۆ رۆنالدۆ پێنچ جاران، ئه‌و یاریزانێن سێ جاران ب ده‌ستڤه ئیناین، یۆهان كرۆیڤ، مێشیل پلاتینی و ماركۆ ڤان باستن، ژلایه‌كێ دووڤه 34 یاریزانان جاره‌كێ خه‌لاتێ باشترینێ سالێ ده‌ستڤه ئینایه.
