د.ئاری حه‌بیب: هێشتا دیارنینه ئومیكرۆن چه‌ند یێ كوژه‌ك و دژواره
دهۆك، شڤان لوقمان:
به‌ردەوامیا به‌لاڤبوونا ڤایروسی ل جیهانێ و رێژا كێم یا وه‌رگرتنا ڤاكسینی ژلاییێ وه‌لاتیێن جیهانێ، به‌ردەوام ڤایروس خوه دگوهۆریت، ئومیكرۆن ڤایروسیێ خوگوهۆره ل باشورێ ئه‌فریقیا به‌لاڤبوویه و ل چه‌ندین وه‌لاتی ل جیهانێ تووشبووینه.
د.ئاری حه‌بیب، تایبه‌تمه‌ندیێ ساخله‌میا جڤاكی دیاركر ل جیهانێ هه‌میێ ژ سالوخه‌تێن ڤایروسیه خوه بگوهۆریت داكو بشێت پتر خوه بگونجینیت د له‌شیێ مروڤیدا، ئه‌ڤ گوهۆرینێن نوی ل ڤایروسێ كوڤێد 19 (كۆرۆنا ) په‌یدابووین كو ئێكه‌م جار ل ئه‌فریقیا به‌لاڤبووی، (ئومیكرۆن) جورێ نوی ییێ ڤایروسیێ كۆرۆنا یێ خوگوهۆره كو ل باشورێ ئه‌فریقیا به‌لاڤبووی، خوگوهۆرێ نوی (ئومیكرون)یێ ڤایروسێ كۆرۆنایێ (32) گۆهۆرین كرینه كو خوگوهۆرێ ده‌لتا ب تنێ هه‌شت گوهۆرین كربوون.
د.ئاری حه‌بیب، دیاركر ژ ئه‌گه‌رێ گه‌له‌ك گوهۆرینان پێشبینی دهێته‌كرن كو ل جیهانێ هه‌میێ به‌ربه‌لاڤ ببیت، هێشتا نه‌هاتیه پشتراستكرن كو ئه‌و ڤاكسینێن نوكه هه‌ین چه‌ند كارتێكرنا خوه دێ هه‌بیت ل سه‌ر خوگوهۆرێ نوی په‌یدابووین، به‌لێ بووچوونا پتریا نۆشدارا ئه‌وه كو رێژه‌كا زوور ئه‌ڤ فاكسینێن نوكه هه‌ین ل سه‌ر خوگوهورێ نوی ئومیكرون كار نه‌كه‌ن ژبه‌ر وان گوهۆرینێن گه‌له‌ك.
هه‌روه‌سا گۆت: ئه‌و كومپانیێن به‌رهه‌مئینانا ڤاكسینی دایه دیاركرن كو ئه‌و پێدڤی 100 رۆژانه بو ئامادەكرنا ڤاكسینه‌كێ نوی، ئه‌گه‌رێ سه‌ره‌كیێ گوهۆرینان ل ڤایروسیێ كۆرۆنایێ ئه‌وه كو یێ به‌ربه‌لاڤه ل جیهانێ هه‌میێ و كێمیا رێژا وه‌رگرتنا ڤاكسینی، هێشتا دیارنینه كو ئه‌ڤ ڤایروسه چه‌ند ییێ كوژه‌ك و دژواره، گه‌له‌ك جارا گوهۆرینێن ڤایروسی دبیته ئه‌گه‌رێ لاوازیا ڤایروسی بخو، نوكه ل چه‌ندین وه‌لاتان ڤایرۆسێ ئومیكرون به‌لاڤه‌بوویه، وه‌كو به‌لجیكا و هونكونك و ئیسرائیل ژی چه‌ند تووشبوویه‌ك هه‌نه كو هه‌می توشبووی ئه‌وبووینه ل وه‌لاتێن ئه‌فریقیا زڤرین.
ناڤهاتی دیاركر هه‌ر گوهۆرینه‌كا نوی دبیته ئه‌گه‌رێ به‌لاڤبوونا وێ ل جیهانێ هه‌میێ، یا پێدڤیه به‌ردەوام رێكارێن خۆپاراستنێ ب كاربینین، وه‌كو گرێدانا ماسكێ ل جهێن گشتی، خوه دووركرن ل جهێن قه‌ره‌بالغ و دانانا ڤاكسینی داكو به‌رگریا له‌شێ مروڤی بهێز بكه‌ڤیت.
