وه‌رن دا بكه‌ینه گری
سه‌روه‌ر ره‌زیكی
ماسته‌ر ب چاره‌سه‌ریا ده‌روونی
ژ به‌ر كاودان و قه‌یران و فشار و خه‌م روودانێن نه‌خۆش و به‌رده‌وام یێن ل دووڤ ئێك بووینه ئه‌گه‌ر كو ده‌روونا مه تژی خه‌م و ئێشان و ئازار وفشار و دودلی و كه‌رب و كین و نه‌خوشی ببیت، جهێ خوه دده‌رونا مه دا كرینه و نه‌شێین ب چو رێكا ده‌ربكه‌ین ئه‌م گه‌له‌ك پێدڤی دبین بكه‌ینه گری، كه‌لا گرییێ دگه‌وریا مه‌دا ئاسێ دمینن نابنه روندك و لسه‌ر روویێ مه ناهێنه خار پتر ده‌روونا مه دئێشیت و ئازارێن كوورتر دناڤا ده‌روونێ مه دا چێدكه‌ن، دهزرێن گه‌له‌ك كه‌سان دا گری، لاوازی و بێهێزی و شكه‌ستنه، ئه‌و كه‌سێ دكه‌ته گری نه‌شیایه لسه‌ر ئاریشێن خوه زال ببیت و ئه‌وكه‌سێن ب ڤی شێوه‌ی هزردكه‌ت دگه‌وریا وان دا گری مایه ئاسێ و د ده‌روونا وان دا تژی فشار و دودلی و خه‌م وئێش و ژان هه‌نه، گری ئێك ژ هه‌ستێن نه‌خۆشه دناڤ هه‌موو هه‌ستێن مروڤان دا، چاوا مه حه‌ق هه‌یه بكه‌ینه كه‌نی و بوو ب كه‌یف بكه‌ڤین و هه‌ست ب ساربوون و گه‌رمی و دلخوشی و ئێشانێ و توره‌بوونێ بكه‌ت، وه‌سا مه حه‌ق یێ هه‌ی بكه‌ینه گری، ده‌مێ گریا مرۆڤی ژ به‌ر ئێش و ئازار و خه‌ما بیت هۆرمۆنی ئیندۆرفین ، ئوپیاسه و ئوسیتۆسین، د له‌شی داده‌ركه‌ڤیت و ئه‌ڤ هورمۆنه دژی ئێش و ئازار و فشارێن ده‌روونی یه ره‌حه‌تیه‌ك دناڤ دا هه‌یه وه‌كی ده‌رمانه‌كێ ئارام به‌خش كاردكه‌ت، هاتنا خارا روندكا د چاڤان دا، و ده‌مێ گری رێژه‌كا زور مه‌نگه‌نیز د له‌شێ مرۆڤی دا ده‌ركه‌ڤیت و ده‌روون هه‌ست ب ئارامیێ دكه‌ت و ماندیبوونێ كێم دكه‌ت، له‌وما گه‌له‌ك گرنگه د مال دا مه جهه‌ك و ده‌مه‌كێ تایبه‌ت هه‌بیت بو گری، روویێن مه تژی ببن ژ روندكان و له‌شێ مه وێ ماندیبوونا ئازارا و فشارا كێم بكه‌ت.
