عه‌لا شبلی سكالا ل سه‌ر یانا دهۆكێ توماركریه
ئه‌ڤرۆ، زنار زبیر:
پیشه‌كارێ سوری و یاریزانێ به‌ری نوكه یێ یانا دهۆك یا وه‌رزشی عه‌لا شبلی سكالایه‌ك دژی یانا دهۆك ل ئێكه‌تیا ته‌پا پێی یا نێڤده‌وله‌تی فیفایێ توماركریه و تێدا داخوازا كوژمێ 120 هزار دولارێن ئه‌مریكی ژ یانێ كریه.
د ڤی ده‌رباره‌ی دا د.عبدولا جه‌لال سه‌روكێ یانا دهۆك یا وه‌رزشی تایبه‌ت بۆ رۆژناما ئه‌ڤرۆ گۆت:ل 24 هه‌یڤا چریا دویێ یا بوری یاریزانێ سوری عه‌لا شبلی برێیا پارێزه‌رێ خوه یێ ئوردنی سكالا دژی یانا دهۆك توماركریه و تێدا داخوازا كوژمێ 120 هزار دولارێن ئه‌مریكی كرینه و برێیا ئیمێلێ یانێ پێراگه‌هاندن بۆ یانێ هاتیه له‌روا هه‌رزوو برێیا ژورا قانوونی یا یانێ كو ژ دو پارێزه‌رێن شیره‌تكار پێكهاتینه به‌رسڤا ڤێ سكالایێ هاتیه دان و هه‌موو ئه‌و به‌لگه‌یێن بووینه ئه‌گه‌رێ هه‌لوه‌شاندنا ڤێ گرێبه‌ستێ بۆ فیفایێ هاتینه ره‌وانه كرن وه‌كو به‌رسڤا یانێ دژی ڤێ سكالایێ.
نافهاتی ئه‌و چه‌نده ژی دیاركر ئه‌وێ دێ چاڤه‌رێ بریارا دوماهییێ یا فیفایێ بن كو دێ ل رێككه‌فتی 14/2/2021 ل سه‌ر ڤێ كه‌یسی هێته دان و ئه‌و ب ئومێدێن ئه‌ڤ سكالایه دێ د به‌رژه‌وه‌ندیا یانا دهۆكێ دا ئێكلا بیت.
