رێباز سدقی: به‌رهه‌ڤین ئاسانكاریێ بۆ وه‌رزشڤانێن شێلادزێ بكه‌ین
ئه‌ڤرۆ، نه‌وزاد هلۆری:
كومه‌لگه‌ها وه‌رزشی یا گولان ل ناحیا شێلادزێ به‌رهه‌ڤیا خوه دیاركریه بۆ هه‌ر ئاسانكاریه‌كێ بۆ وه‌رزشڤانێن ده‌ڤه‌رێ و یاریگه‌ها خوه یا ته‌پا پێی بۆ یانا شێلادزێ به‌رده‌ستكریه.
لدور ڤێ یه‌كێ رێباز سدقی رێڤه‌به‌رێ كومه‌لگه‌ها وه‌رزشی یا گولان ل ناحیا شێلادزێ بۆ رۆژناما ئه‌ڤرۆ گۆت: پشتی بزاڤێن مه‌زن هاتینه كرن بۆ گه‌نج و وه‌رزشڤانان كومه‌لگه‌ها وه‌رزشی هاته دروستكرن پێخه‌مه‌ت پێشخستنا كه‌رتێ وه‌رزشی و هه‌تا نوكه بوویه ئه‌گه‌ر هه‌تا ڕاده‌یه‌كی پێدڤیێن وه‌رزشی دابین بكه‌ت كو ژ چه‌ند پشكا پێكهاتینه ئه‌وژی یاریگه‌هه‌كا مه‌زن، دویاریگه‌هێن بچووك، یاریگه‌ها ڤۆلی بۆلێ و پلان دایه یاریگه‌ها یاریێن گۆره‌پانێ و دانانا په‌لۆكان بهێته دروستكرن.
ژلایه‌كێ دووڤه ناڤهاتی گوت: ئه‌م به‌رهه‌ڤین بۆ هه‌ر ئاسانكاریه‌كێ پێخه‌مه‌ت خزمه‌تا وه‌رزشا ناحیا خوه بكه‌ین و پێنگاڤا ئێكێ مه بڕیار دایه هاریكاریا یانا شێلادزێ بكه‌ین ژبۆ ئه‌نجامدانا راهێنان و یاریێن خوه بۆ خولا كوردستانێ و هه‌روه‌سان بۆ هه‌ر تیمه‌كا مللی ژی دێ ئاسانكاریێن باش هه‌بن پێخه‌مه‌ت بشێن ئاره‌زوویا خوه بجهبینن و مه‌ره‌ما مه یا سه‌ره‌كی خزمه‌تكرنا وه‌رزشا ناحیا شێلادزێ یه له‌ورا مه فێرگه‌هێن په‌روه‌رده‌یا وه‌رزشی بۆ زارویان رێكخستی نه و ئارمانجا مه گه‌شكرنا وه‌رزشێ یه ل ناحیا شێلادزێ.
