د. په‌رجان هاشم: گه‌له‌ك جاران قوتابی قه‌ستا مه دكه‌ن دبێژن ئه‌م دناڤ هولا خواندنێ دا دترسین
ئه‌ڤرۆ، به‌رپه‌رێ ساخله‌میێ:
تایبه‌تمه‌نده‌كێ نه‌خۆشێن ده‌روونی ل دهۆكێ دیاركر ئێك ژ نه‌خۆشێن دودلی دناڤ خه‌لكی دا به‌لاڤ بیت ئه‌وژی نه‌خۆشیا ئه‌گورافۆبیایه ئه‌ڤ نه‌خۆشی یه جۆره‌كه ژ جۆرێن نه‌خۆشیا دودلیێ ئێك ژ جۆرێن فوبیا یه و گه‌له‌ك جۆرێن فوبیایێ هه‌نه، به‌لێ یێ زێده به‌ربه‌لاڤ ئه‌ڤ نه‌خۆشیه‌یه.
د. په‌رجان هاشم ئاكره‌یی، تایبه‌تمه‌ندێ نه‌خۆشیێن ده‌روونی ل دهۆكێ ئاشكرا كركو ئه‌گورافوبیا ئه‌وه ئه‌و مروڤ بترسیت بچیته جهێن گرتی ڤه ده‌ما مرۆڤ دژووره‌كێ دا بیت یان جهه‌كێ گرتی دا ترس بۆ مرۆڤی دروست دبیت ئه‌ڤه ل گه‌له‌ك جهان په‌یدادبیت، ده‌مێ مرۆڤ دناڤ ترۆمبێلێ دا یان دناڤ فرۆكه‌كێ دا یان پاسه‌كێ دا هه‌تا ژی دناڤ تونێلی دا یان هه‌ر جهه‌كێ گرتی بیت، مرۆڤ تووشی ترسێ ببیت ئه‌ڤ دودلی یه په‌یدادبیت.
تایبه‌تمه‌ندێ نه‌خۆشێن ده‌روونی، گۆت: گه‌له‌ك جاران قوتابی قه‌ستا مه دكه‌ن و داخوازا چاره‌سه‌ریێ دكه‌ن دبێژن ئه‌م دناڤ هولا خواندنێ دا دترسین كو هولا خواندنێ یا گرتیه وقوتابی نه‌شێت بۆ ده‌مێ ده‌مژمێره‌كێ یان 40 ده‌قیقا ده‌ربكه‌ڤیت، ژبه‌ر ڤێ چه‌ندێ ئه‌ڤ ترسه بۆ قوتابی دروست دبیت و هنده‌ك كه‌سێن دی هه‌نه تووشی ڤی جۆرێ ترسێ دبن ل جهێن ڤه‌كری، به‌لێ قه‌ره‌بالغ تێدا هه‌بیت، دبێژن ئه‌ز نه‌شێم بچمه بازاری، چونكو قه‌ره‌بالغه و بازار یێ ڤه‌كریه دێ بینی ئه‌ڤ مرۆڤه ده‌مێ دچنه ڤان جهان تووشی ترسه‌كا مه‌زن بن.
ناڤهاتی ئه‌وژی خۆیا كركو ئه‌گه‌رێن ڤێ نه‌خۆشیێ ڤه‌دگه‌رن بۆ دو تشتێن سه‌ره‌كی، ئه‌وژی هه‌كه دناڤ خێزانێ دا دایبابان هه‌بیت یان داپیر و باپیری، له‌ورا دبیت مرۆڤ ژی تووشی ڤێ نه‌خۆشی بیت هه‌روه‌سا ژی ئه‌گه‌ری دویێ ژی ده‌مێ زارۆكینی مرۆڤێ تووشی هنده‌ك تشتێن ترس بیت ئه‌ڤ كه‌سێن ئه‌ڤ نه‌خۆشیا هه‌ی ژیانا وان نه‌خۆش بیت چونكو نه‌شین زوو ب زوو ده‌ركه‌ڤن هه‌تا ژی نه‌شێن بتنی ده‌ركه‌ڤن هه‌لبه‌ت ده‌مێ ترس بۆ دروست بیت مه‌رچ نینه بتنی ترس بیت دبیت هنده‌ك نیشانیێن جه‌ستی ل ده‌ڤ په‌ێدابن وه‌كو دلقوتانی وبیهنته‌كیی و ده‌ڤ هشكبوون وسه‌رئیشانێ یان ژی وه‌كو گه‌رمه‌كێ لاشی دا وته‌زته‌زینك لێ دروست بن ئانكو ره‌وشا وێ گه‌له‌ك نه‌باش بیت لێ یا پتر خه‌لك ژی به‌حس دكه‌ن ئه‌وه ده‌مێ بهنا مرۆڤی ته‌نگ بیت ئه‌و كه‌س خۆ ژ ڤان جها دوور دكه‌ت بۆ نموونه ئه‌و كه‌سێ نه‌خۆش هه‌كه ترۆمبێلی بیچت دبیت هه‌تا نیڤه‌كا رێكی بچت وبیژت بهنا من ته‌نگ بوو ژ ترۆمبێلی ده‌ربكه‌ڤیت.
د. په‌رجان هاشم، ئاشكه‌را كركو ئه‌گه‌ر ئه‌ڤ نه‌خۆشیا نه‌هێته چاره‌سه‌ركرن دێ هنده‌ك نێشان ده‌ڤ دروست بن وه‌كو خه‌موكیی وهنده‌ك جاران كارتیكرنی ل كه‌سایه‌تیا وێ دكه‌ت كو چاره‌سه‌ریا ڤێ نه‌خۆشی ب دوو ریێا دهێته كرن ئه‌وژی چاره‌سه‌ری ب ده‌رمان دهێته كرن ئه‌وژی ده‌رمانیێن قلقی بۆ شه‌ش هه‌یڤان یان پتر هه‌روه‌سا ژی چاره‌سه‌ریا ده‌روونێ دهێته كرن ب ریێا روونشتنان.
