مباپی دناڤبه‌را دو ئاگران دایه
ئه‌ڤرۆ،
ل گه‌ل ده‌ستپێكرنا سالا نوو 2022ێ بۆ یاریزانێ فره‌نسی و یانا پاریس سانجێرمان كلیان مباپی هه‌یه دانۆستاندنێ ل گه‌ل هه‌ر یانه‌كێ بكه‌ت ژبۆ گه‌هشتنا رێكه‌فتنێ و گرێدانا هه‌ڤبه‌ستا نوو كو بڕیاره گرێبه‌ستا وی ل گه‌ل یانا فره‌نسی ل 30ێ خزیرانا ئه‌ڤ ساله ب دووماهی بهێت ل ب مه‌رجه‌كی یانا خوه ئاگه‌هداربكه‌ت لدووڤ رێنمایێن ئێكه‌تیا ده‌وله‌تی فیفایێ.
هه‌موو راپۆرتێن رۆژنامه‌ڤانی و چاڤدێرێن وه‌رزشی گه‌هشتینه وێ چه‌ندێ كو مباپی گرێبه‌ستا خوه نوو ناكه‌ت و نێزكترین یانه بوو وی ریال مه‌دریده ئه‌وا گرێبه‌ست و مووچێ وی لدووڤ حه‌زا وی به‌رهه‌ڤكری، لێ ئاریشا ستێرا فره‌نسی ئه‌و نه‌شێت چو پێنگاڤا د نوكه دا پاڤێژیت ژبه‌ركو هه‌ردو یانێن ریال مه‌درید و پاریس سانجێرمان د قۆناغا 16ێ یا قاره‌مانیا چامپیۆنز لیگ دا كه‌فتینه هه‌مبه‌ری ئێك كو بڕیاره ل 15 شوباتێ و نه‌هێ ئادارا بهێت یاریێن هاتنوچوونێ بكه‌ن، ئه‌ڤچه‌نده مباپی ئێخستیه د ناڤبه‌را ئاگرێ پاریسێ و ریال مه‌دریدێ دا، ژبه‌ركو پاریس یا بزاڤێ دكه‌ت چو بڕیارا نه‌ده‌ت پێخه‌مه‌ت كارتیكرن ل سه‌ر یاریا وان نه‌بیت سه‌رباری رێڤه‌به‌رێ تیمێ لیۆناردو ب تۆره‌یی گۆتیه پاریس هیڤییا ژ مباپی ناكه‌ت بمینیت، ژلایه‌كێ دووڤه یانا ئسپانی یا له‌زێ دكه‌ت ژبۆ ب دووماهی ئینانا بابه‌تێ وی و 180 ملیۆن یۆرۆ به‌رهه‌ڤكرینه و رژدن ب هه‌ر شێوه‌كێ ڤه‌گۆهێزنه دناڤ رێزێن تیما خوه دا، له‌ورا مباپی كه‌فتیه دناڤبه‌را دو ئاگرێن زلهێزێن ئۆرۆپا دا دبیت یاریا بهێت ژی كارتیكرن ل سه‌ر ئاست و ده‌رۆنێ وی بكه‌ت.
