وهزارهتا كارهبێ رۆهنكرنهكێ ل دۆر پیڤهرێ زیرهكێ كارهبێ ددهت
ئهڤرۆ:
وهزارهتا كارهبا حوكمهتا ههریبَما كوردستانێ رۆهنكرنهكێ ل دۆر پیڤهرێ زیرهكێ كارهبێ بهلاڤ دكهت و تێدا هاتیه: پرۆژێ پیڤهرێ زیرهكێ كارهبێ ئێك ژ پرۆژێن گرنگ و سهركهفتی یێن كهرتێ كارهبا نیشتمانی یا ههرێما كوردستانێ یه و رۆلهكێ گرنگ بۆ چارهسهركرنا ئاریشێن كارهبێ یێ ههی.
وهزارهتا كارهبێ د وێ رۆهنكرنێ دا خویا كریه، ههتا نوكه 79% پرۆژه تمامبوویه و ههموو تایبهتمهندیێن وی نههاتینه بكارئینان، لێ شیایه ب رێژهكا بهرچاڤ زێدهگاڤیێن ل سهر تۆڕێن كارهبێ و زیانگههاندن ب ئامیرهتێن كارهبێ ژ وان ژی بگوڕێن گهرهكان كێم بكهت و دادپهروهریێ د بهلاڤكرنا كارهبێ دا ب دهستڤه بینیت و تێدا هاتیه: “ژ ئهگهرێ كاریگهریێن ئهرێنی یێن پیڤهرێ زیرهك، ئهو كهس ژێ د رازی نینن، یێن چهندین ساله ل سهر حساب و بهڕژهوهندیا گشتی و ب زێدهگاڤیێن یاسایی كارهبێ ددزن و پارێ كرێیا كارهبێ ژی نادهن و مافێ وهلاتیێن دی پێشێل دكر”.
ئاشكرا ژی كریه كو كێمیا دانا دهمژمێرێن كارهبا نیشتمانی، چو پهیوهندی ب پیڤهرێ زیرهك ڤه نینه، بهلكو پهیوهندی ب ئاستێ بهرههمئینانا كارهبێ و بلندبوونا خواستا وهلاتیان ل سهر بكارئینانا كارهبێ و زێدهبوونا ههژمارا پشكدارێن كارهبێ ڤه یا ههی و تێدا هاتیه: “پرۆژێ پیڤهرێ زیرهك د ڤی دهمێ ههستیار دا، رۆلهكێ گرنگ د نههێلانا ب ههدهردانا كارهبێ و پاراستنا ڤی سامانێ نیشتمانی دا یێ ههی، دیسا ئاستێ بكارئینانا كارهبێ یێ كۆنترۆل كری، داكو ههر پشكدارهكێ كارهبێ ل دووڤ مافێ خوه كارهبێ وهربگریت”.
وهزارهتا كارهبا حوكمهتا ههرێما كوردستانێ دیار ژی كریه كو د ئهگهرێ گههاندنا زیانێ ب تۆڕ و ئامیرێن كارهبێ، ل دهستپێكێ دێ زیانێ گههینیه كارهبا مالا خوه و رێكارێن یاسایی ژی بهرامبهر سهرپێچیكاران دێ هێنه بكارئینان.