چه‌گه‌ر عه‌لی: سه‌ركه‌فتنا ئه‌ڤرۆ دێ هیڤیێن قۆناغا play off گه‌شتر لێكه‌ت
ئه‌ڤرۆ،
د دیداره‌كێ دا كاپتنێ تیما باسكت بۆلا یانا زاخۆ دیاركر كو یاریا ئه‌ڤرۆ گه‌له‌ك یا گرنگه بۆ پاراستنا جهێ خوه و گه‌شكرنا هیڤیێن ده‌ربازبوونێ بۆ قۆناغا play off ده‌مێ ل هۆلا گرتیا شه‌عب ل باژێرێ به‌غدا دبیته مێڤانا یانا دیجلا زانكۆ ژ چارچووڤێ هه‌ڤڕكیێن گه‌ڕا ئێكێ یا قۆناغا دویێ ژ خولا پلا نایابا ئیراقێ یا باسكت بۆلێ.
زێده‌تر چه‌گه‌ر عه‌لی بۆ رۆژناما ئه‌ڤرۆ گوت: به‌رهه‌ڤیێن مه گه‌هشتینه ئاسته‌كێ باش و یانا مێڤان ئێك ژ بهێزترین تیمێن هه‌ڤڕكه د خولی دا و خودانا خوه و 19 خالان رێزا دویێ دهێت سه‌ر لیستا خولێ هه‌مبه‌ری وێ تیما مه 17 خال هه‌نه و رێزا پێنجێ دهێت، هه‌موو بزاڤێن مه دێ بۆ سه‌ركه‌فتنێ بن پێخه‌مه‌ت گه‌شكرنا هیڤیێن قۆناغا پله‌یی ئوڤ سه‌رباری ئه‌ركێ مه ب سانه‌هی نابیت لێ رژدین ب هه‌موو هێزا خوه هه‌تا دووماهی چڕكه یاریێ بكه‌ین.
