یانێن پارێزگه‌هێ د تاقیكرنه‌كا بهێزدا
ئه‌ڤرۆ، زنار زوبێر:
چاڤه‌ڕێ دهێته كرن ئه‌ڤرۆ ل ده‌مژمێر 2:30 پشتی نیڤرۆ هه‌ر چار یانێن پارێزگه‌ها دهۆكێ یاریێن خوه یێن گه‌ڕا 12ێ ژ چارچووڤێ كۆما ئێكێ یا خولا پلا ئێكا كوردستانێ یا ته‌پا پێی ب ئارمانجێن سه‌رێ لیستێ و پێشڤه‌چوون د رێزبه‌ندیا خوه د خولێ دا.
ل یاریگه‌ها خوه و دناڤ ئه‌رد و جه‌ماوه‌رێ خوه دا تیما یانا ئاكرێ ب هیڤیێن مه‌زن بۆ ڤه‌گه‌ڕیانا سه‌رێ لیستێ دێ مێڤانداریا یانا شورجه یا كه‌ركووكی كه‌ت، ئاكرێ ب 18 خالان رێزا دویێ دهێت و دێ بزاڤێ كه‌ت سه‌ركه‌فتنێ تۆماربكه‌ت و چاڤه‌ڕێ ده‌نگۆباسه‌كێ خوش بیت ژبۆ ڤه‌گه‌ڕیانا سه‌رێ لیستێ، تیما شورچه ب هه‌شت خالان رێزا حه‌فتێ دهێت، ژلایه‌كێ دووڤه تیما یانا سێمێلێ دێ مێڤانداریا یانا خاك كه‌ت، خودانێن ئه‌رد و جه‌ماوه‌ری ب نه‌ه خالان رێزا پێنجێ دهێت هه‌موو بزاڤێن وێ ئه‌ون پێشڤه‌چوونێ بكه‌ت و پاراستنا خوه دناڤ خولێ دا بهێلیت، هه‌مبه‌ری وێ خالك ئه‌وا 12 خال هه‌ین رێزا چارێ دهێت هیڤیێن هه‌ڤڕكیێ بۆ سه‌رێ لیستێ ژ ده‌ست نه‌داینه و تیمه‌كا ب سانه‌هی نابیت بۆ كوڕێن ده‌شتا دوبانێ.
هه‌مبه‌ری وێ یانێن گاره و به‌رده‌ره‌ش ئه‌وێن د مه‌ترسیا داكه‌فتنێ بۆ پلا دو یا خولا كوردستانێ دا دێ هه‌مبه‌ری یانێن هه‌ولێرا پایته‌خت بن، گاره ئه‌وا ب هه‌شت خالان رێزا شه‌شێ دهێت دێ بیته مێڤانا پیشه‌سازی، ژلایێ خوه‌ڤه به‌رده‌ره‌ش خودانا شه‌ش خالان و رێزا هه‌شتێ دهێت دێ مێڤانداریا برۆسك كه‌ت خودانا سه‌رێ لیستێ ب 18 خالان.
