ب گوهۆرینێن جودا زاخۆ به‌رهه‌ڤیان بۆ قۆناغا دویێ دكه‌ت
ئه‌ڤرۆ، عه‌لی حاجی:
د داخویانیه‌كێدا ئه‌ندامێ كارگێریا یانا زاخۆ بۆ رۆژناما ئه‌ڤرۆ دیاركر تیما وان یا ته‌پا پێی ب گوهۆرینێن جودا به‌رهه‌ڤیان بۆ قۆناغ دویێ یا خولا پلا نایابا ئیراقێ دكه‌ت ژوانا دانانا كه‌مپه‌كێ راهێنانێ و ئینانا حه‌فت یاریزانێن نوو بۆ ناڤ رێزێن تیمێ.
زێده‌تر تاها عه‌بدولحه‌كیم گوت: پشتی ب دووماهی هاتنا قۆناغا ئێكێ یا خولا پلا نایابا ئیراقێ مه ب فه‌ر زانی ل گه‌ل كادرێ راهێنانێ كۆمبووین و ل سه‌ر كێماتی و لاوازیا تیما خوه گه‌نگه‌شێ بكه‌ین و رێكێن چاره‌سه‌ریێ په‌یدابكه‌ین، پێنگاڤا ئێكێ ئه‌م شیان گرێبه‌ستێ ل گه‌ل حه‌فت یاریزانێن نوو ئیمزابكه‌ین و چه‌ند یاریزان ژ به‌ر ئاستێ وان یێ لاوان هاتنه دوورخستن، سه‌رباری چه‌ند یاریزانێن دی مه په‌یوه‌ندی ل گه‌ل هه‌بوون لێ ژبه‌ركو یانێن وان ده‌ستبه‌رداری نه‌بوون نه‌چاربووین خوه ژ دانۆستاندنا ڤه‌كێشین، له‌ورا ئه‌و یاریزانێن مه په‌یداكرین و هه‌روه‌سا ڤه‌گه‌ڕیانا ستێرا تیمێ و یاریزانێ هه‌لبژارتیێ ئیراقێ یاسر قاسم دێ پێكهاتیێ تیمێ شێوه‌كێ باشتر بیت و لدووڤ پلانا مه دڤیابا مه كه‌مپه‌كێ راهێنانێ ل وه‌لاتێ توركیا دانابا لێ ژبه‌ر كورتیا ده‌می و نه‌بوونا ئه‌و مه‌زاختیێ پاره‌یی یێ پێدڤی بۆ كه‌مپێ به‌رده‌ست نه‌بوو لێ ژبه‌ر گرنگیا كه‌مپی دێ بزاڤێ كه‌ین بۆ ماوێ حه‌فتیه‌كێ ل هه‌ولێرا پایته‌خت هێته دانان پێخه‌مه‌ت زێده‌تر لێك تپێگه‌هشتن دناڤبه‌را یاریزانا و كادرێ راهێنانێ بهێته دان و باشترین شێوه به‌رهه‌ڤ بین.
لدووماهیێ ناڤهاتی دیاركر بۆ قۆناغا دویێ یا خولا ئیراقێ گه‌شبینن دێ بشێوه‌كێ باشتر هێنه دناڤ هه‌ڤڕكیان دا و ئه‌ركێ وان بزه‌حمه‌تر بیت ژبه‌ركو هه‌موو یانا رێزێن خوه رێكخستینی و ب ئارمانجێن ده‌ستڤه خالێن یاریا دكه‌ن ژبه‌ركو هه‌موو ئه‌ڤ قۆناغه قه‌ربوویا خالان ل گه‌ل ئه‌وان تیما نابیت
