سه‌رۆكێ ئسرائیلێ سه‌ره‌دانا ئیماراتێ كر
ئه‌ڤرۆ:
بۆ جارا ئێكێ ئیسحاق هێرزۆگ سه‌رۆك كۆمارێ ئسرائیلێ سه‌ره‌دانا ئیماراتێ كر و ل گه‌ل به‌رپرسێن وی وه‌لاتی كۆمبوو، ده‌زگه‌هێن راگه‌هاندنا عه‌ره‌بی ژی دیار دكه‌ن كو پشتی ئێرشێن حوسیان یێن ب رێیا فرۆكێن بێ فرۆكه‌ڤان ل سه‌ر ئیماراتێ، ئسرائیلێ و ئیماراتێ بریار داینه كو په‌یوه‌ندیێن خوه د هه‌موو بیاڤان دا باشتر بكه‌ن.
ل ئالیێ دی به‌رپرسه‌كێ وه‌زاره‌تا ده‌رڤه یا ئسرائیلێ ژی راگه‌هاند كو وان ل دۆر ئیرشێن حوسیان گه‌له‌ك زانیاری داینه ئیماراتێ و بریاره ده‌ست ب كارێن هه‌ڤپشك ژی بهێنه كرن و سه‌ره‌دانا سه‌رۆك كۆماری یا بۆ ئیماراتێ ژی گه‌له‌ك گرنگ و دیرۆكی یه.
