بێوار فه‌ریق: بابێ من ڕێ نیشانده‌رێ پاشه‌رۆژا منه
ئه‌ڤرۆ،
د دیداره‌كێ دا یاریزانێ گه‌نج و یێ تیما ته‌پا پێی یا یانا دهۆكێ بێوار فه‌ریق دیاركر پێنگاڤێن باش هاڤێتنه و شیایه ببیته جهێ باوه‌ریا راهێنه‌رێ خوه د خولا پلا نایابا كوردستانێ دا و ئه‌ڤچه‌نده ژی بابێ من بوویه ڕێ نیشانده‌رێ پاشه‌رۆژا من كو دژیه‌كێ بچووك دا یاری بۆ چار یانێن پارێزگه‌هێ كرینه.
زێده‌تر ناڤهاتی بۆ رۆژناما ئه‌ڤرۆ گۆت: سه‌رباری كاروانێ من یێ وه‌رزشی ب شێوه‌كێ رێكخستی هاتیه پێش و دژیه‌كێ بچووك دا یاری بۆ پێنچ یانێن پارێزگه‌هێ كرینه ئه‌وژی یانا سێمێل، ئه‌كادیمیا دالكۆر، یانا گاره، یانا زاخۆ و یانا دهۆكێ ئه‌ڤه هه‌موو د ژیه‌كێ بچووك دا كو هه‌ر ژ 2008 و هه‌تا نوكه ل گه‌ل تیما پێشكه‌فتیێن دهۆكێ مه ئه‌ڤچه‌نده هه‌موو ژی بابێ من پشته‌ڤانێ سه‌ره‌كی بوو كو به‌رده‌وامیێ بده‌مه حه‌زا خوه یا وه‌رزشی و ئه‌و بوویه ڕێ نیشانده‌ر كو د مال ژی دا ئه‌م پێكڤه وه‌رزشێ دكه‌ین له‌ورا دێ بێژم قه‌ردارێ بابێ خوه مه هاتا دمرم.
هه‌روه‌سان بێوارێ 20 سالی ئه‌وچه‌نده ژی دیاركر ئه‌و هزرا پاشه‌رۆژه‌كا باشتر بخوه دكه‌ت و هه‌ر یانه‌كا یاری بۆ كری چه‌ند وانه و سه‌ربۆر وه‌رگرتینه و گۆت: شانازیێ دبه‌م درێسێ یانا دهۆكێ ل به‌رخوه دكه‌م و دێ رژدم لسه‌ر راهێنان و پرۆگرامێ پێشخستنا ئاستێ خوه پێخه‌مه‌ت د ناڤ تیما یانا خوه د خولا ئیراقێ ژی دا یاریێ بكه‌م هه‌تا بگه‌مه ئاستێن بلندتر و ل گه‌ل هه‌لبژارتیێ ئیراقێ ژی یاریێ بكه‌م و چو ڕه‌نگان یانا خوه ب جه ناهێلیم بێ بابێ خوه.
لدووماهیێ ناڤهاتی لدور تیما خوه گۆت: سه‌رباری ئاسته‌نگێن دارایی لێ ئاستێ تیما مه گه‌له‌ك باش بوویه و هه‌ڤكاری و پشته‌ڤانیا كارگێریا یانێ و شاره‌زاهیا كادرێ راهێنانێ كو به‌رده‌وام هه‌ڤڕكیێ بكه‌ین و پرانیا یاریزانان گه‌نجن و د قۆناغا دویێ یا خولا پلا نایاب كوردستانێ دا ئه‌نجامێن مه باشتربوون.
