ده‌ست ب به‌لاڤكرنا پارهیێ قۆتابیێن زانكۆ و په‌یمانگه‌هان هاته كرن
ئه‌ڤرۆ:
وه‌زاره‌تا خواندنا بلند و ڤه‌كۆلینێن زانستی یا حوكمه‌تا هه‌رێما كوردستانێ دیار كر، ده‌ست ب مه‌زاختنا پارهیێ پشته‌ڤانیا دارایی یێ قوتابیێن زانكۆ و په‌یمانگه‌هان هاته كرن.
جڤاتا وه‌زیرێن هه‌رێما كوردستانێ ل گوره‌ی رێنمایا هه‌ژماره 58 یا دارایی یا سالا 2008ێ بڕیار دا بۆ سالا خواندنێ 2021 – 2022 زێده‌تری شه‌ش ملیار دیناران وه‌كو هاریكاری یا هه‌یڤانه بۆ قوتابیێن زانكۆ و په‌یمانگه‌هان بهێنه مه‌زاختن.
ئه‌و پشته‌ڤانیا دارایی یا هه‌یڤانه گوژمێ 40 هزار دیناران بۆ قوتابیێن د ناڤا باژێران دا و گوژمێ 60 هزار دیناران ژی بۆ قوتابیێن ده‌رڤه‌ی باژێران دێ هێنه‌دان.
