په‌رله‌مانێ ئورۆپا داخوازا سزادانا ئیرانێ دكه‌ت
ئه‌ڤرۆ:
سه‌رۆكاتیا په‌رله‌مانێ ئورۆپا راگه‌هاند كو ئیرانێ سالا بۆری هه‌ری زێده وه‌لاتی ل سێداره داینه و نها ل ئیرانێ پتر ژ هه‌ر ده‌مه‌كێ مافێن مرۆڤی دهێته بنپێكرن، ژ به‌ر هندێ ژی وه‌كو په‌رله‌مانێ ئورۆپا وان داخوازا سزادانا به‌رپرسێن سازیا دادێ ل ئیرانێ كرینه و هه‌روه‌سا دڤێت وه‌لاتێن ئێكه‌تیا ئورۆپا ژی ل هه‌مبه‌ر ره‌وشا خراب یا نها ل ئیرانێ بێده‌نگ نه‌مینن.
سه‌رۆكاتیا په‌رله‌مانێ ئورۆپا ئه‌و یه‌ك ژی دیار كریه كو پشتی هاتنا ئیبراهیم ره‌ئیسی رێژا سێداره‌دان و گرتنا چالاكڤانێن مه‌ده‌نی ل ئیرانێ گه‌له‌ك زێده بوویه و ئه‌و یه‌ك ژی ب چو ره‌نگه‌كێ ناهێته قه‌بوولكرن.
