ئه‌ڤرۆ ئه‌تله‌تیكۆ مه‌درید و مان یۆنایتد ب سه‌نگا دووماهیا چامپیۆنزێ
ئه‌ڤرۆ،
چاڤه‌ڕێ یه ئه‌ڤرۆ ل ده‌مژمێر 11ێ شه‌ڤ دو یاریێن دی ژ قۆناغا 16 یا قاره‌مانیا یانێن ئۆرۆپا قاره‌مانێن خولا چامپیۆنز لیگ بهێنه ئه‌نجامدان كو دێ دووماهی یاریێن گه‌ڕا ئێكێ و چوونێ بن.
ئه‌تله‌تیكۆ مه‌درید – مانچسته‌ر یۆنایتد
جه‌ماوه‌رێ وه‌رزشی ب ژڤانن بۆ دیتنا دیداره‌كا گرنگ و بهێز دناڤبه‌را خودانێن ئه‌ردی ئه‌تله‌تیكۆ مه‌درید یا ئسپانی و هه‌ڤڕكا وێ مانچسته‌ر یونایتد یا ئنگلێزی ئه‌وا دێ ل یاریگه‌ها واندا مێترۆبلیتانۆ ل مه‌درید هێته ئه‌نجامدان، هه‌ردو یانه سه‌ر ئاستێ خولێن وه‌لاتێن خوه بۆ رێزێن پێشیێ و سه‌رێ لیستێ دووركه‌فتینه، ئه‌تله‌تیكۆ ب جووداهیا 15 خالان ژ خودانا سه‌رێ لیستێ ریال مه‌درید دووره و مان یۆنایتد ب 21 خالان ژ ما ستی ئه‌وا سه‌رێ لیستێ دهێت دووره كو هه‌ردو ل رێزێن چارێ و پێنجێ دهێن، دیاریا ئه‌ڤ شه‌ڤه‌دا دێ چاڤ هه‌موو ل ستێرا پورتۆگالی و یاریزانێ یانا ئنگلێزی كرستیانۆ رۆنالدۆیی بن ئه‌وێ د ده‌ه یاریێن ڤێ قاره‌مانیێ دا شیایی حه‌فت گۆلا ل سه‌ر ئه‌تله‌تیكۆ تۆماربكه‌ت وب درێسێ ریال مه‌درید 31 یاری و ب درێسێ یۆڤانتۆس چار یاری ئه‌نجامداینه كو سه‌رجه‌م 25 گۆل تۆماركرینه ژوانا چار هاتریك ئیناینه، لێ سه‌ر ئاستێ هه‌ردو یانا د چامپیۆنزێ دا چو یاری ئه‌نجام نه‌داینه بتنێ د قاره‌مانیا جاما ئۆرۆپا دا دو یاری كرینه ئه‌وژی ل وه‌رزێ 1991- 1992 كو ئێك ب سه‌ركه‌فتنا ئه‌تله‌تیكۆ بوو و یا دویێ ب وه‌كهه‌ڤی بوو، یاریا ئه‌ڤرۆ یا هه‌ستیاره بۆ راهێنه‌رێ ئه‌تلتیكۆ دیێگۆ سیمیۆنی سه‌رباری دناڤ ئه‌رد و جه‌ماوه‌رێ خوه دا نه لێ ده‌نگۆباسێن نه پشكداریا شه‌ش یاریزانێن وان ترسا ژ ده‌ستدانا سه‌ركه‌فتنێ په‌یداكریه، تۆشبوونا هه‌ر ئێك ژ ماریۆ هێرمۆسۆ و یانیك كاراسكۆ ب ڤایرۆسێ كۆرۆنایێ و گۆمان ل سه‌ر نه‌پشكداریا هه‌ردو ستێران لویس سۆارێز و ئه‌نتۆان گرێزمانی و هه‌روه‌سان هنگاڤتنا دانیێل فاس و رۆدرێگۆ دی بۆل كو ئه‌ڤچه‌نده دڕبه‌ك ب ئه‌تله‌تیكۆ مه‌درید كه‌ڤتیه و دێ ب چه‌نگێن شكه‌ستی هه‌مبه‌ری مێڤانا خوه بیت ژلایێ خوه‌ڤه یانا ئنگلێزی ب سه‌رپه‌رشتیا راهێنه‌رێ خوه یێ ئه‌لمانی رالف رانجنیك كۆمه‌كا باش یا یاریزانێن خودان شیان هه‌نه ژوانا پۆل بۆگبا، ماركۆس راشفۆرد، جادۆ سانچۆ، لۆك شاۆ، برۆنۆ فێرناندێز، ڤاران و كرستیانۆ رۆنالدۆ كو ب گه‌شبینن ئه‌نجامه‌كێ باش ژ یاریگه‌ها ئه‌تله‌تیكۆ ڤه‌گه‌ڕێن و بۆ یاریا دویێ یا هاتنێ ل ناڤه‌راستا ئادارا بهێت پلێتا ده‌ربازبوونێ مسۆگه‌ر بكه‌ت.
بێنفیكا – ئه‌مستردام
یاریا دویێ یا ئه‌ڤرۆ ل ده‌مێ شه‌ڤێ دێ ل یاریگه‌ها دالۆز دهێته ئه‌نجامدان ده‌مێ یانا ئه‌یاكس ئه‌مستردام یا هۆله‌ندی دبیته مێڤانا یانا بێنفیكا یا پورتۆگالی ئه‌وا بۆ جارا ئێكێ یه پشتی پێنچ سالان گه‌هشتیه ڤێ قۆناغێ و دو ناسناڤێن چامپیۆنزێ بده‌ستڤه ینایه، هه‌مبه‌ری وێ یانا هوله‌ندی ئێك ژ هه‌سپێن ره‌ش یێن ڤێ قاره‌مانیێ چار ناسناڤ ده‌ستخوه‌ڤه ئیناینه و بهێز هاتیه دڤێ قاره‌مانیێ دا ئه‌وا شیایی وه‌كو قاره‌مانا كۆما خوه ده‌ربازبیته قۆناغا 16ێ و هه‌تا نوكه سیبه‌ستیان هاله‌ر گۆلكه‌رێ قاره‌مانیێ یه ب 10 گۆلان، ئامارێن دناڤبه‌را واندا ل چامپیۆنز لیگێ دا پۆرتۆ دو سه‌ركه‌فت ئیناینه هه‌مبه‌ری سه‌ركه‌فتنه بۆ ئه‌یاكسێ و وه‌كهه‌ڤیه‌ك، چه‌كێ یانا پۆرتۆگالی دێ ب یاریزانێن خوه بۆاڤیستا، ئه‌لیخاندرۆ جریمالدۆ، داروین نوینز و ئێڤرتۆن، ژلایێ خوه‌ڤه یانا هۆله‌ندی سیبه‌ستیان هاله‌ر، جواریی تیمبییر نیكولاس تاگیلیا فیكۆ.
