ئه‌ڤرۆ رۆبێرتۆ كارلۆس و كلۆیڤێرت دێ یاریێ ل هه‌ولێرێ كه‌ن
ئه‌ڤرۆ،
هه‌ردو ستێرێن به‌رێ یێن ته‌پا پێی یی به‌رازیلی و یانا ریال مه‌درید رۆبێرتۆ كارلۆس و یێ هوله‌ندی و یانا به‌رشه‌لۆنا پاتریك كلۆیڤێرت گه‌هشتینه هه‌ولێرا پایته‌خت ل سه‌ر داخوازیا كۆمپانیا كوره‌ك د چارچووڤێ پرۆژێ كاپتن كوره‌ك ژبۆ ئه‌نجامدانا یاریه‌كا هه‌ڤالینی و نیماشكرنێ ل یاریگه‌ها شه‌هید فرانسۆ حه‌ریری ئه‌وا دێ ئه‌ڤرۆ ل ده‌مژمێر 4:30 ئێڤاری هێته ب پشكداریا هه‌ردو ستێران ل گه‌ل ستێرێن ئیراقێ و كوردستانێ ئه‌نجامدان.
دوهی هه‌ردو یاریزان ژلایێ مه‌سرور بارزانی سه‌رۆكێ حوكمه‌تا هه‌رێما كوردستانێ و پارێزگارێ هه‌ولێرێ ئۆمێد خوشناو هاتبوونه پێشوازی كرن كو دبیته جارا ئێكێ دو ستێرێن بناڤ و ده‌نگ سه‌رده‌دانا هه‌رێما كوردستانێ بكه‌ن، سه‌رباری چه‌ند داخوازیێن بۆ وان هاتین ژ چه‌ند لایه‌نه‌كا ل ده‌ڤه‌رێن دی یێن ئیراقێ و به‌غدا ئه‌وان ڕه‌دكرن.
