پارێزگارێ دهۆكێ تیما باسكێت بۆلا پارێزگه‌هێ خه‌لاتكر
ئه‌ڤرۆ،
دوهی پارێزگارێ دهۆكێ د. عه‌لی ته‌ته‌ر تیما هه‌لبژارتیێ پارێزگه‌ها دهۆكێ یا باسكێت بۆلێ لسه‌ر ئاستێ تازه پیگه‌هشتیان خه‌لات ئه‌وێن شیاین رێزا ددویێ سه‌ر ئاستێ ئیراقێ ب ده‌ستخوه ڤه‌بینن د هه‌ڤڕكیێن قاره‌مانیێ دا ئه‌وا 18 هه‌لبژارتێن پارێزگه‌هێن ئیراقێ و كوردستانێ ل باژێرێ دهۆكێ پشكداری كری، دڤێ مه‌راسیمێن خه‌لاتكرنێ دا هه‌ر ئێك ژ رێڤه‌به‌رێ وه‌رزشی خه‌لیل حه‌سه‌ن، چێگرێ سه‌رۆكێ ئێكه‌تیا باسكێت بۆلا ئیراقێ كاوه فه‌یسل، بلند شه‌فیق سه‌رۆكێ یانا زاخۆ و فه‌رزاد محه‌مه‌د نوونه‌رێ نوونه‌راتیا دهۆك یا لژنا ئۆلۆمپیا كوردستانێ به‌رهه‌ڤ بوون.
د په‌یڤه‌كێ دا پاێزگارێ دهۆكێ ده‌ستخووشیا كادرێ راهێنانێ و یاریزانان كر ئه‌وێن ب ئاست و ئه‌نجام شیان هه‌ڤڕكیێ د قاره‌مانیێ دابكه‌ن و بووینه جهێ شانازیێ و دیاركر كو پارێزگه‌ها دهۆك و حوكمه‌تا هه‌رێمێ دێ پالشت و پشته‌ڤانێ وان بیت.
ژلایێ خوه‌ڤه سه‌رۆكێ یانا زاخۆ بلند شه‌فیق سۆپاسیا پارێزگارێ دهۆكێ كر و پشته‌ڤانیا وی ب پێنگاڤه‌كا مه‌زن بۆ پێشخستنا وه‌رزشی و ئاستێ یاریزانان دا و گۆت: یاریزانێن زاخۆ و ب كادرێ راهێنانێ ڤه شانازیێ پێ دكه‌ن ب ناڤێ پارێزگه‌ها دهۆكێ شیاین ئه‌ڤێ ئه‌نجام و ئاستێ مه‌زن ب ده‌ستڤه ئیناین و دێ رژدبن ده‌ستكه‌فتێن مه‌زنتر بۆ ناڤێ كوردستانێ ژی ب ده‌ستڤه ئینن.
