ئه‌ندامه‌كا لژنا دارایی: مووچه بێ لێبڕین دێ هێته به‌لاڤكرن
هه‌ولێر، قائید میرۆ:
ئه‌ندامه‌كا لژنا دارایی ل په‌رله‌مانێ كوردستانێ ره‌ت دكه‌ت مووچه ب لێبڕین بهێته به‌لاڤكرن و دبێژیت: د ڤان رۆژێن بهێن دا مووچه وه‌كو خوه و بێ لێبڕین دێ هێته به‌لاڤكرن.
لیزا كاكه‌یی، ئه‌نداما لژنا دارایی بۆ رۆژناما ئه‌ڤرۆ گۆت: “ئه‌و پێزانینێن باسێ لێبڕینا مووچه‌ی دكه‌ن راست نینن و حكومه‌تا هه‌رێما كوردستانێ چو بڕیار نه‌داینه، كو مووچه ب لێبڕین بهێته به‌لاڤكرن، له‌ورا ژی ئه‌م وه‌لاتیان پشتڕاست دكه‌ین، مووچه وه‌كو خوه و بێ لێبڕین دێ هێته به‌لاڤكرن، د ڤان رۆژێن بهێن دا دێ ده‌ست ب به‌لاڤكرنا مووچه‌ی هێته كرن”.
گۆتژی: “ئه‌م یێ نێزیكی پێكئینانا حكومه‌تا نوو یا ئیراقێ دبین و بڕیارا ئه‌نجامدانا هه‌لبژارتنێن بهێن یێن هه‌رێما كوردستانێ ژی هاتیه دان، ژ به‌ر هندێ به‌لاڤكرنا ڤان جۆره پڕوپاگندێن باسێ لێبڕینا مووچه‌ی دكه‌ن، بزاڤه‌كه بۆ هه‌وا هه‌لبژارتنان و به‌لاڤكرنا پێزانینێن نه‌دروست ل سه‌ر حكومه‌تا هه‌رێمێ”.
